Грамадства5252

Журналіст «Мінск-Навінаў» наракае, што яго дачка ні халеры не разумее па-беларуску і можа заблукаць у метро

Журналіст агенцтва «Мінск-Навіны» напісаў артыкул аб транслітарацыі ў мінскім метро. Міхаіл Міхайлаў наракае, што яго васьмігадовая дачка не валодае беларускай мовай, а беларускі варыянт транслітарацыі ён называе загадкавым і незразумелым для замежнікаў, якія, нібыта, прачытаюць «Michalova» як «Мічалова».

Дачцэ журналіста вось-вось споўніцца 8 гадоў. Міхайлаў вырашыў навучыць яе самастойна перасоўвацца ў горадзе.

«У метро, кажу, усё проста: паўсюль надпісы-паказальнікі, у вагонах на дзвюх мовах абвяшчаюць станцыі. Так што сёння не я яе, а яна мяне правядзе з пункта А ў пункт Б. Чытай, слухай і ўсё будзе окей», — піша журналіст Мінск-Навінаў.

Аднак яны тут жа сутыкнуліся з жахлівай праблемай.

«Усе надпісы на паказальніках зроблены на дзвюх мовах — беларускай і загадкавай. А дзіця ў першым класе вучыцца і пакуль што не валодае ні першай, ні тым больш другой»,

— наракае журналіст, бацька 8-гадовай дачкі.

Далей ён тлумачыць дачцэ, што ў краіне дзве дзяржаўныя мовы — руская і беларуская.

«А гэта на якой?» — паказвае дзяўчынка ў вагоне на надпісы Michalova, Hrušaŭka, Kastryčnickaja…

Міхайлаў адказаў дачцэ: «На замежнай».

Таксама журналіст не разумее, чаму Палац Рэспублікі ў метро пазначаны на англійскай, як Palace, а плошча, на якой ён размешчаны, не square, а plošča.

«Горад наш да II Еўрапейскіх гульняў рыхтуецца заўзята, інфраструктуру ў парадак прыводзіць. Можа, варта было ў спіс неабходнага ўключыць і папраўкі ў гарадскую навігацыю?»

— піша журналіст Мінск-Навінаў.

Каментары52

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

Усе навіны →
Усе навіны

Марыя Васілевіч расказала, як стала вядучай «Калыханкі». Кажа, гэта не дзеля папулярнасці6

Даляр на таргах апускаўся ніжэй за 3,10 рубля1

«Байсол» збірае грошы для дзяцей палітвязняў перад школай — яшчэ можна падтрымаць2

Экс-дзяржсакратар ЗША апублікаваў імаверны мірны план Трампа па Украіне. Што ў ім?26

Падазраванага ў падрыве машыны афіцэра ў Маскве даставілі з Турцыі ў Расію

Спявачка Ірына Дарафеева адпачывала ў Турцыі ў гатэлі 18+ ФОТЫ22

28-гадовая жанчына прымала ванну разам з двухгадовай дачкой і размаўляла па тэлефоне з мужам. Гісторыя скончылася трагічна2

Дзесяць займальных пытанняў пра беларуска-габрэйскую кухню ТЭСТ

Сярод зарэгістраваных выбарцаў за Трампа 48%, за Харыс 46% — апытанне New York Times4

больш чытаных навін
больш лайканых навін

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

У Парыжы прайшла грандыёзная і наватарская цырымонія адкрыцця Алімпійскіх гульняў ФОТЫ

Галоўнае
Усе навіны →