Грамадства

«Рэпарцёры бязь межаў» шакаваныя падзеямі ў Беларусі

Арганізацыя заклікала эўрапейскую супольнасьць аказаць ціск на ўлады Беларусі з мэтай спыненьня праследаваньня журналістаў.


Міжнародная арганізацыя «Рэпарцёры бязь межаў» шакаваная затрыманьнем і зьбіваньнем журналістаў падчас дэманстрацыі ў Менску 25 сакавіка, а таксама вобыскамі, праведзенымі 27 сакавіка супрацоўнікамі КДБ у кватэрах журналістаў, якія супрацоўнічаюць з «Радыё Рацыя», «Эўрапейскім радыё для Беларусі» і тэлеканалам «Белсат». Пра гэта заявіла ў інтэрвію БелаПАН кіраўніца аддзелу Эўропы і былога СССР «Рэпарцёраў бязь межаў» Эльза Відаль.

«У дачыненні да крытыкі або сіл, якія спрабуюць аслабіць кантроль над грамадзтвам, ва ўладаў Беларусі ёсьць толькі адзін адказ — рэпрэсіі і насільле», — лічыць Э. Відаль.

Яна заклікала эўрапейскую супольнасьць аказаць націск на ўлады Беларусі з мэтай спыненьня праследаваньня журналістаў.

«Я лічу, што такія ініцыятывы, як «Радыё Рацыя» або тэлеканал «Белсат», неабходна абараняць. Назіраюцца нават спробы ўладаў ўвесьці цэнзуру ў інтэрнэце, што выклікае асаблівую занепакоенасьць», — зазначыла прадстаўніца арганізацыі.

Раніцай 27 сакавіка супрацоўнікі Камітэту дзяржбясьпекі правялі вобыскі ў здымных кватэрах журналістаў, якія супрацоўнічаюць з польскім «Радыё Рацыя», «Эўрапейскім радыё для Беларусі», польскім тэлеканалам «Белсат», а таксама ў дамах у незалежных журналістаў з Гомелю, Віцебску, Берасьця, Горадні, Бабруйску й іншых гарадоў. Былі канфіскаваныя аргтэхніка і розныя носьбіты інфармацыі.

25 сакавіка, падчас разгону несанкцыянаванай акцыі з нагоды Дня волі ў Менску, былі затрыманыя журналісты газэты «Наша ніва» Андрэй Лянкевіч і Сямён Печанко. Пры затрыманьні А. Лянкевіча моцна зьбілі, нягледзячы на наяўнасьць у яго журналісцкага пасведчаньня. Ён абвінавачваўся па арт. 23.34 Кодэксу аб адміністрацыйных правапарушэньнях (парушэньне парадку арганізацыі або правядзеньня масавага мерапрыемства або пікетаваньня). С. Печанко быў асуджаны на 15 сутак арышту па аналягічным абвінавачаньні.

Паводле: Аляксандр Янусік, БелаПАН

Каментары

«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі25

«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі

Усе навіны →
Усе навіны

Мітрапаліт Веніямін назваў адну з першых спраў Грамадскай рады па маральнасці — адмянілі спектакль, які паказвалі 10 гадоў13

Як выглядаюць двары ў новым распіяраным жылым комплексе ВІДЭА9

Масква абяцае дапамогу Мінску на выбарах 2025 года «ў выпадку дэстабілізацыі»14

Украінскія беспілотнікі ўначы атакавалі тры расійскія спіртзаводы11

Беларускі сцяганосец на Алімпіядзе ў Токіа стаў рыэлтарам2

Хацелі як лепш, а выйшла як заўсёды. Пра што сведчаць малдаўскія выбары102

Маляваныч расказаў, колькі ў яго скралі тэлефонныя махляры і чаму паверыў ім20

«У ZUS акруглілі вочы: яны ніколі пра такое не чулі». Як беларусы пераводзілі пенсію з Беларусі ў Польшчу5

Зімовую форму мінскіх даішнікаў таксама памянялі ФОТЫ5

больш чытаных навін
больш лайканых навін

«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі25

«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі

Галоўнае
Усе навіны →