Крымінальны суд над Салаўёвай пераносіцца на 8 красавіка
Дзяўчына была затрыманая падчас сьвяткаваньня Дня Волі, а на наступны дзень асуджаная на пяць сутак арышту.
 |
Сёньня ў полацкім гарадзкім судзе а 15-ай гадзіне мусіў пачацца разгляд крымінальнай справы моладзевай актывісткі Касі Салаўёвай. Аднак працэс пераносіцца на няпэўны тэрмін, бо 25 сакавіка дзяўчыну затрымалі падчас сьвяткаваньня Дня Волі, а на наступны дзень асудзілі на 5 сутак арышту.
«Суд ня можа адбыцца сёньня з простай прычыны – адсутнасьць абвінавачанай. Я ўжо накіраваў адпаведныя паперы ў полацкі суд, што Салаўёва была асуджаная паводле адміністрацыйнага пратаколу і цяпер адбывае пакараньне. Магчыма, што дату пачатку судовага працэсу назавуць яшчэ сёньня», – кажа адвакат дзяўчыны Аляксандар Галіеў.
Касю Салаўёву, якую 23 студзеня 2008 г. выключылі з Полацкага дзяржаўнага ўнівэрсытэту, дзе яна навучалася на 2-м курсе гісторыка-філялягічнага факультэту, абвінавачваюць у парушэньні арт. 193-1 Крымінальнага кодэкса РБ "Удзел у незарэгістраванай арганізацыі" ("Малады фронт").
Паводле гэтага артыкулу ўжо судзілі дзесяць маладафронтаўцаў. Толькі кіраўнік МФ Зьміцер Дашкевіч у лістападзе 2006 году атрымаў па гэтым артыкул тэрмін зьняволеньня (1,5 гады), іншыя абыходзіліся штрафамі і папярэджаньнямі.
***
Пазьней судзьдзя Марозава прыняла рашэньне перанесьці разгляд справы на 8 красавіка. Пачатак а 10:30.
 Касю Салаўёву затрымліваюць на акцыі ў Дзень Волі Фота Юліі Дарашкевіч |
Вучылася на настаўніцу беларускай мовы, строіла палкоўнікаў. Шэсць фактаў пра Вольгу Чамаданаву, якая ідзе на выбары19
Каментары