Грамадства

Амэрыканскага адваката трымаюць у «амэрыканцы»?

Сьледчая ўправа КДБ вядзе справу амэрыканскага адваката Эмануіла Зэльцэра, які быў затрыманы 12 сакавіка ў менскім аэрапорце, прыляцеўшы зь Лёндану.


Эмануіл Зэльцэр

Сьледчая ўправа КДБ вядзе справу амэрыканскага адваката Эмануіла Зэльцэра, які быў затрыманы 12 сакавіка ў менскім аэрапорце, прыляцеўшы зь Лёндану.

У беларускіх праваахоўных установах дагэтуль не даюць інфармацыі пра затрыманьне ў Менску амэрыканскага адваката Эмануіла Зэльцэра, вядомага экспэрта ў справах барацьбы з адмываньнем грошай. Яшчэ меней зьвестак пра тое, што стала прычынай затрыманьня. Пакуль толькі адна крыніца з пэўнасьцю сьцьвярджае, што Эмануіл Зэльцэр быў затрыманы ў Менску 12 сакавіка. Гэтая крыніца — брат адваката Марк Зэльцэр, які жыве ў Нью‑Ёрку. Вось што ён сказаў «Радыё Свабода»:

«Гэта інфармацыя амбасады ЗША ў Беларусі, пацьверджаная Дзярждэпартамэнтам ЗША. У амбасады ёсьць пацьверджаньне беларускага боку, і ў Дзярждэпартамэнту ёсьць, і ў ФБР, але яны таксама вельмі мала ведаюць. Яны толькі ведаюць, што ён затрыманы. Якое абвінавачаньне — невядома».

Паводле Марка Зэльцэра, разам зь ягоным братам затрымана сакратарка — Уладлена Функ, якая мае грамадзянства Расеі, але жыве і працуе ў ЗША. Дзявочае прозьвішча Ўладлены Функ — Блузкова. У амбасадзе Расеі ў Беларусі пацьвердзілі: «Так, Уладлена Блузкова была затрымана ў Менску 12 сакавіка і праз тры дні зьмешчана ў ізалятар КДБ — «амэрыканку». Паводле зьвестак расейскіх дыпляматаў, справу расьсьледуе сьледчая ўправа КДБ.

Што вядома пра Эмануіла Зэльцэра? У 1970‑х гадох ён прыехаў у ЗША з СССР. У Нью‑Ёрку Эмануіл Зэльцэр — вядомы адвакат, ён узначальвае Амэрыканска‑расейскі юрыдычны інстытут. Паведамляецца, што пэўны час таму спадар Зэльцэр рабіў адвакацкія паслугі Паўлу Барадзіну, былому кіраўніку справаў прэзыдэнта Расеі, якога затрымлівалі ў ЗША паводле падазрэньняў у карупцыі. Крыніцы ў інтэрнэце не выключаюць, што і затрыманьне Эмануіла Зэльцэра ў Менску неяк зьвязана з паслугамі, якія той рабіў кліентам з Расеі.

Марк Зэльцэр кажа, што ягоны брат ніколі раней у Беларусі ня быў. Марк Зэльцэр непакоіцца за здароўе брата, якога называе «вельмі хворым» чалавекам.

«У яго падагра, у яго дыябэт. Яму вельмі патрэбныя пэўныя лекі кожны дзень».

Марку Зэльцэру невядома, ці мае ягоны брат патрэбныя лекі ў турме. Ён гатовы перадаць брату любыя лекі, але ня ведае, як гэта зрабіць. «У амбасадзе мяне папярэдзілі, што лекі ўвогуле могуць празь беларускую мяжу не прапусьціць». Марк Зэльцэр зьвярнуўся ў консульства Беларусі ў Вашынгтоне з просьбай тэрмінова выдаць яму візу, каб прыехаць у Беларусь і наведаць брата, але адказу пакуль не атрымаў. Вэрсіі затрыманьня свайго брата Марк Зэльцэр не камэнтуе. Ён кажа, што яму нічога не вядома пра тое, што Эмануіл Зэльцэр працаваў адвакатам у Паўла Барадзіна.

Алег Грузьдзіловіч, Радыё Свабода

Каментары

Падае курс даляра — чаму так?7

Падае курс даляра — чаму так?

Усе навіны →
Усе навіны

Сёння пачынаюць судзіць 24-гадовую мінчанку за ўдзел у акцыі пратэсту

Зварот Байдэна да нацыі нагадваў пахавальны марш — Bild

У Беларусі змянілі правілы абмену валют. Тры галоўныя новаўвядзенні

Супраць мамы анархіста Францкевіча, асуджанага на 16 гадоў калоніі, завялі крымінальную справу1

Стала вядома, дзе будуць вучыцца студэнты закрытых прыватных ВНУ1

Стрыжак расказаў, ці мае прэзідэнцкія амбіцыі6

«Дачка Мара плакала ад гора». У Маладзечне дружалюбны лабрадор нечакана для ўсіх з'еў нутрыю Капібару — усеагульную любіміцу10

Золатавалютныя рэзервы Польшчы перавысілі рэкордныя $200 мільярдаў7

Хто такі Вадзім Красікаў, у якім так зацікаўленая Расія?1

больш чытаных навін
больш лайканых навін

Падае курс даляра — чаму так?7

Падае курс даляра — чаму так?

Галоўнае
Усе навіны →