У Беларусі павялічаныя гранічныя максімальныя адпускныя цэны на вуглевадародныя звадкаваныя паліўныя газы для камунальна-бытавога спажывання, прызначаныя для рэалізацыі на тэрыторыі краіны.
Адпаведная пастанова Міністэрства эканомікі ад 19 жніўня 2015 года нумар 50 «Аб унясенні змянення ў пастанову Міністэрства эканомікі Рэспублікі Беларусь ад 31 студзеня 2013 г. нумар 10» апублікавана сёння на Нацыянальным прававым інтэрнэт-партале.
Так, адпускная цана 1 т газу для камунальна-бытавога спажывання, які рэалізуецца арганізацыям, што ўваходзяць у склад ДВА «Белпалівагаз», на ўмовах «франка-адпраўленне» складае Br2 млн 680 тыс. 646, на ўмовах «франка-склад арганізацыі-вытворцы» — Br2 млн 672 тыс. 513.
Што датычыцца адпускной цаны на газ, які рэалізуецца арганізацыям, што не ўваходзяць у склад ДВА «Белпалівагаз», то яна фарміруецца з улікам кан'юнктуры рынку.
Адпускная цана на газ для запраўкі ў балоны, які рэалізуецца юрыдычным асобам і індывідуальным прадпрымальнікам на ўмовах «франка-склад арганізацыі-вытворцы», складае Br2 млн 825 тыс. 538 за 1 т.
Пастанова ўступае ў сілу пасля яе афіцыйнага апублікавання.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары