Гурт PKN (Pertti Kurikan Nimipäivät) з вялікім адрывам выйграў нацыянальны адбор на «Еўрабачанне-2015».
Галасаванне праводзілася ў ноч на 1 сакавіка. Пераможцу вызначалі тэлегледачы, і яны аддалі перавагу менавіта выканаўцам з абмежаванымі магчымасцямі.
На «Еўрабачанні» фінскі гурт выканае песню Aina mun pitää («Я заўсёды павінен \ Мне заўсёды патрэбна»). Гэта песня пра пастаянны ціск, які адчуваюць людзі з абмежаванымі магчымасцямі. Прычым песня на фінскай мове, што рэдкасць для конкурсу. Даўжыня яе — ўсяго 85 секундаў.
У адным з інтэрв’ю Самі Хеле, музыка гурту, расказваў пра песню: «Песня для «Еўрабачання» распавядае пра тое, што чалавеку кожны дзень трэба нешта рабіць, інакш ён захварэе, ўпадзе духам, перастане у рэшце рэшт уставаць з ложка, перастане фактычна жыць».
PKN сабраліся ў 2009 годзе пры Хельсінскім сацыяльным цэнтры для інвалідаў. Удзельнікі групы пакутуюць на розныя парушэнні разумовага развіцця.
Конкурс «Еўрабачанне-2015» пройдзе ў Вене з 19 па 23 мая. Букмекеры ўжо называюць фінскі гурт сярод фаварытаў музычнага спаборніцтва.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары