Страты Беларусі ад падатковага манеўру Расіі могуць перавысіць $ 1 млрд. Пра гэта заявіў сёння Аляксандр Лукашэнка, прымаючы з дакладам прэм'ер-міністра Міхаіла Мясніковіча.
«Летась мы ў прынцыпе дамовіліся аб тым, што Беларусь атрымае ў выніку саступак у эканамічным саюзе, — сказаў кіраўнік дзяржавы. — Як вядома, у Расіі ажыццяўляюць нейкі падатковы манеўр,
у выніку якога мы можам страціць усё тое, пра што дамаўляліся ў мінулым годзе з Расійскай Федэрацыяй.
Гэта тычыцца пералічэння ў бюджэт Расіі пошлін ад збірання на мяжы па нафтапрадуктах. Наколькі я ведаю, ідуць перамовы, каб гэтую тэму ўрэгуляваць, і яна павінна быць урэгулявана».
«Гэта ненармальна: не паспелі ўвесці ў дзеянне дамоўленасці, тут іх адмяняем фактычна другой рукой, і ў выніку Беларусь можа страціць велізарную суму сродкаў, больш за $ 1 млрд», — адзначыў ён.
Аляксандр Лукашэнка пацікавіўся ў прэм'ер-міністра ходам перамоў па гэтым пытанні.
Лукашэнка ў сувязі з гэтым звярнуў таксама ўвагу і на фарміраванне бюджэту. «Мы дамаўляліся, што 1 кастрычніка бюджэт павінен быць сфарміраваны, і праект яго ўнесены ў парламент для разгляду. Як тут ідуць справы?» — адзначыў кіраўнік дзяржавы.
Лукашэнка таксама закрануў пытанні пасяджэння кіраўнікоў дзяржаў СНД і афіцыйнага візіту прэзідэнта Туркменістана ў Беларусь.
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА27
Каментары