Улада11

Санкцыі ЗША знятыя з яшчэ адной беларускай кампаніі

Злучаныя Штаты Амерыкі вырашылі не працягваць санкцыі ў дачыненні да ААТ «Беларускае оптыка-механічнае аб’яднанне» (БелОМА). Гэта вынікае з інфармацыі, размешчанай на сайце Дзярждэпартамента.

Санкцыі ў дачыненні да дзвюх беларускіх кампаній — ААТ «БелОМА» і ЗАТ «Белтэхэкспарт» — былі ўведзеныя ў маі 2011 года. Сутнасць санкцый заключаецца ў тым, што ўрадавыя ведамствы ЗША цягам двух гадоў не могуць набываць у названых кампаній або пастаўляць ім тавары і паслугі, а таксама аказваць ім падтрымку.

Як вынікала з каментарыяў Дзярждэпартамента, падставай для гэтага стала «надзейная інфармацыя», якая ўказвае на тое, што гэтыя кампаніі перадавалі ў Іран, Паўночную Карэю ці Сірыю або атрымлівалі з гэтых краін «абсталяванне і тэхналогію, згаданую ў спісах кантролю за шматбаковым экспартам, <…> або іншым чынам мелі магчымасць зрабіць матэрыяльны ўнёсак у зброю масавага знішчэння ці сістэмы крылатых і балістычных ракет».

Тыдзень таму стала вядома аб спыненні санкцый у дачыненні да ЗАТ «Белтэхэкспарт».

Рашэнне аб непрацягу санкцый у дачыненні да ААТ «БелОМА» і ЗАТ «Белтэхэкспарт» Дзярждэпартамент не каментуе.

Тым часам санкцыі ЗША працягваюць дзейнічаць у дачыненні да беларускіх прадпрыемстваў «Белзнешпрамсэрвіс», «ТМ Сэрвісіз» (ТМС) і рэспубліканскага навукова-прамысловага ўнітарнага прадпрыемства КБ «Радар».

***

Санкцыі ў дачыненні да «Белзнешпрамсэрвіса» былі ўведзеныя ў 2012 годзе па падазрэнні ў пастаўках узбраенняў у Сірыю.
У лютым 2013-га ўвайшло ў сілу рашэнне аб увядзенні санкцый у дачыненні да «ТМ Сэрвісіз» (ТМС) і КБ «Радар», а таксама ўсіх іх даччыных структур. Тады ж былі ўведзеныя санкцыі супраць шэрагу юрыдычных і фізічных асоб у Кітаі, Венесуэле, Іране, Сірыі і Судане.

Апрача таго, з 2007 года дзейнічаюць санкцыі ў дачыненні да канцэрна «Белнафтахім», якія ЗША ўвялі ў сувязі з парушэннямі правоў чалавека ў Беларусі. Санкцыі прадугледжваюць замарожванне ўсіх банкаўскіх рахункаў канцэрна і яго прадстаўніцтваў у Германіі, Латвіі, ва Украіне, у Расіі і Кітаі, якія знаходзяцца пад юрысдыкцыяй ЗША, а таксама рахункаў даччынай кампаніі «Белнафтахім Ю-эс-эй». Амерыканскім бізнесменам прадпісвалася ўстрымацца ад кантактаў з канцэрнам.

Каментары1

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Усе навіны →
Усе навіны

«Генерал-шпіц Умка пад кодавым іменем Беленькі». Найлепшыя твіты тыдня9

У Мінску на дзяўчыну, якая вярталася з пляжу, упала дрэва. Яна загінула3

Чэшка Барбара Крэйчыкава перамагла на Уімблдоне-2024

Лукашэнка заявіў пра «ліквідацыю напружанасці на мяжы з Украінай» і выступіў з прымірэнчымі заявамі: «Трэба дамаўляцца»28

Ураган змёў кемпінг на Віліі, паведамляюць пра загінулага3

У Мінску шторм вырываў дрэвы і руйнаваў рэкламныя шчыты ФОТЫ і ВІДЭА15

Па Беларусі коціцца непагадзь, моцныя вятры і залевы ФОТЫ і ВІДЭА2

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам16

больш чытаных навін
больш лайканых навін

Іспанія чацверты раз у гісторыі выйграла Еўра — і гэта рэкорд ВІДЭА1

Іспанія чацверты раз у гісторыі выйграла Еўра — і гэта рэкорд ВІДЭА

Галоўнае
Усе навіны →