Ukrainskija vajskoŭcy paćvierdzili rasijski praryŭ kala Časavaha Jara
Rasijanie zmahli ŭklinicca va ŭkrainskuju liniju abarony ŭ rajonie horada Časaŭ Jar u Danieckaj vobłaści, paviedamiŭ pradstaŭnik pres-słužby 24-j asobnaj miechanizavanaj bryhady Ivan Pietryčak u efiry telemarafona 22 kastryčnika.
«Na žal, vorahu ŭdałosia ŭklinicca ŭ našu liniju abarony, ale ab krytyčnym pravale i stracie Časavaha Jara razmova nie idzie. Ciapier praciahvajucca mocnyja bai», — zajaviŭ Pietryčak.
Jon zaznačyŭ, što situacyja napružanaja i była takoj na praciahu apošniaha miesiaca. Nie było dnia, kali b rasijanie nie sprabavali šturmavać.
Infarmacyju pra toje, što rasijanie prarvali abaronu Časavaha Jara, paviedamiŭ učora BILD.
Vydańnie adznačała, što rasijanie niekalki miesiacaŭ nie mahli pierajści kanał Sievierski Daniec — Danbas na ŭschodzie, adnak u piatnicu čačenski avanhard farsiravaŭ jaho i prasunuŭsia na 2,5 km na zachad uzdoŭž paŭdniovaj uskrainy Časavaha Jara.
«Paśla piaci miesiacaŭ žorstkich bajoŭ rasijskaja armija prarvała ŭkrainski front na poŭdzień ad Časavaha Jara i pastaviła svoj ściah na pramysłovym budynku ŭ 2,5 km za kanałam. Bačnyja rasijskija sałdaty, jakija padymajucca na budynak i rychtujuć tam płacdarm», — napisała vydańnie.
Časaŭ Jar znachodzicca na panujučaj vyšyni. Ukrainskija ekśpierty adznačali, što zachop Časavaha Jara adkryje darohu rasijskim vojskam na Kramatorsk i Słaviansk.
-
60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie
-
Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy
-
«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary