Nočču 1 vieraśnia adbyŭsia masiravany napad bieśpiłotnikaŭ na rasiejskija vobłaści. Byli atakavanyja i dźvie DRES u Maskoŭskaj i Ćviarskoj abłaściach, a taksama maskoŭski NPZ.
Rasijskija pabliki publikujuć fota i videa miascovych žycharoŭ, na jakich bačny prylot na terytoryju DRES.
Paviedamlajecca pra dva pažary paśla ataki BpŁA ŭ Ćviarskoj vobłaści — u Konakavie Ćviarskoj vobłaści pažar uźnik kala miascovaj DRES i kala hazaraźmierkavalnaj sietki «Konakava», jakaja źjaŭlajecca častkaj mahistralnaha hazapravoda.
Rasijskija ŭłady taksama paviedamili pra ataku dronaŭ na Kašyrskuju DRES u Padmaskoŭi. Achviar i razbureńniaŭ niama, piša «RIA Naviny». Kašyrskaja DRES znachodzicca na bierazie Aki ŭ horadzie Kašyra Maskoŭskaj vobłaści.
Mer Maskvy Sabianin taksama zajaviŭ, što BPŁA sprabavali atakavać Maskoŭski naftapierapracoŭčy zavod. Pavodle jaho, «źbili bieśpiłotnik u rajonie MNPZ — paškodžańniaŭ i paciarpiełych niama, pahrozy pracy MNPZ niama».
Ahułam pra pavietranyja ataki nočču 1 vieraśnia paviedamili ŭłady ŭ 10 rehijonach — Maskvy, Maskoŭskaj vobłaści (horad Kašyra), Branskaj, Varoniežskaj, Lipieckaj, Biełharodskaj, Tulskaj, Razanskaj, Ćviarskoj i Kałužskaj abłaściej.
Kamientary