Ukrainskija vojski prarvali miažu Rasii na jašče adnym učastku ŭ Kurskaj vobłaści
Uzbrojenym siłam Ukrainy ŭdałosia prarvać abaronu US RF na jašče adnym učastku rasijska-ŭkrainskaj miažy ŭ Kurskaj vobłaści. Pra heta paviedamili niekalki ŭkrainskich vajskovych kanałaŭ, u tym liku kanał padraździaleńnia BPŁA Khorne, a taksama paćvierdzili Z-vajenkary, piša The Moscow Times.
Jak śćviardžaje Khorne, USU ŭdałosia prajści na hłybiniu «niekalkich kiłamietraŭ». Kanał apublikavaŭ videa, dzie źniataja ŭkrainskaja braniatankavaja kałona, jakaja, jak śćviardžajecca, ruchajecca da nasielenaha punkta Viasiołaje, što znachodzicca ŭ tyle hrupoŭki rasijskich uzbrojenych sił.
Jak piša vajenkar «Rybaŕ», ukrainskija vajskoŭcy skarystalisia adciahnieńniem značnaj častki rasijskich sił na kontrnastupalnuju apieracyju na miažy Snahaść — Viktaraŭka i atakavali rasijskija pazicyi na poŭdzień ad Hłuškova. Im udałosia zaniać siało Novy puć, adznačaje «Rybaŕ», što paćviardžaje blizki da pahransłužbaŭ kanał «Staršij pohranotriada».
«Apieratyŭna-bajavaja abstanoŭka zastajecca ciažkoj», — piša jon: USU «aktyŭna źniščajuć» rasijskija BPŁA, što «ŭskładniaje viadzieńnie raźviedki» i pracu artyleryi.
Pavodle danych Z-kanałaŭ, ukrainskim vojskam udałosia pieraadoleć linii ŭmacavańnia, jakija składajucca z «zuboŭ drakona» i minnych paloŭ. Apošnija USU rasčyščajuć z dapamohaj inžyniernaj techniki, piša «Rybaŕ».
Kanał «Dva majora» aceńvaje hłybiniu prasoŭvańnia USU ad miažy z Sumskaj vobłaściu ŭ 3 km — na takoj adlehłaści raźmieščanaje Viasiołaje.
Padraździaleńnie BPŁA Khorne, jakoje padtrymlivała apieracyju pa praryvie, śćviardžaje, što pad pahrozaj akružeńnia apynułasia hrupoŭka rasijskich vajskoŭcaŭ terminovaj słužby kolkaściu niekalki tysiač čałaviek. Z-vajenkary, zrešty, hetuju infarmacyju nie paćviardžajuć.
Zialenski: Rasijski nastup na Kurščynie idzie pavodle ŭkrainskaha płanu
Kubrakoŭ adpraviŭ na miažu z Ukrainaj AMAP i ŭnutranyja vojski — «kab nie dapuścić praryvu USU»
Rasija pierajšła ŭ kontrnastup u Kurskaj vobłaści, udaryła ŭ fłanh — vajenkary
«Ničoha tam novaha niama» — Valfovič ab praryvie ŭkraincaŭ u Kurskuju vobłaść
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie3
Kamientary