Rasijski baćka pajšoŭ vajavać va Ukrainu paśla hibieli tam syna, ale pieršym pachavali jaho samoha
U telehram-kanale «Ludi Bajkała» raskazali historyju, jakaja dla sučasnaj Rasii ŭžo nie vyhladaje niečym zusim ekzatyčnym.
28-hadovy Vasilij Čypiejeŭ z Kiachty, što ŭ Buracii, jašče z 2019 hoda słužyŭ u rasijskim vojsku pa kantrakcie kamandziram bajavoj mašyny. Jaho navat uznaharodžvali miedalami za ŭdzieł u sumiesnych vučeńniach z Manholijaj.
Bolš za hod paśla raźviazvańnia vajny z Ukrainaj jon na front nie traplaŭ, ale ŭ mai 2023 hoda adpraviŭsia tudy, a ŭ žniŭni taho ž hoda zahinuŭ. Pachavać jaho ŭdałosia tolki bolš čym praz hod, 13 vieraśnia 2024 hoda, paviedamili ŭ Viber-hrupie administracyi Kiachcinskaha rajona.
Baćka ž Vasilija, 49-hadovy Alaksandr Čypiejeŭ, taksama pajšoŭ na vajnu, ale ŭžo dobraachvotnikam. Zrabiŭ jon heta nieŭzabavie paśla śmierci syna, u kastryčniku 2023 hoda, i taksama pavajavaŭ zusim niadoŭha. Užo ŭ pačatku śniežnia Čypiejeŭ-starejšy zahinuŭ, a na Novy hod, 31 śniežnia, jaho i pachavali.
«Ludi Bajkała» padkreślivajuć, što navat tolki z Buracii heta nie pieršyja rasijskija baćka i syn, jakija zahinuli na vajnie va Ukrainie. Tak, mabilizavany Pavieł Navakreščyn z toj ža Kiachty zahinuŭ na vajnie ŭ pačatku 2023 hoda, a paśla taho na front pajšoŭ dobraachvotnikam jahony syn i taksama zahinuŭ.
Kolkaść niezadavolenych žyćciom rasijan skaraciłasia da histaryčnaha minimumu — «Levada-centr»
Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień
U vajenkamatach u Rasii abjavili akcyju «pryviadzi siabra»
Amierykanskija žurnalisty pabyvali va ŭkrainskaj turmie, nabitaj maładymi rasijskimi pryzyŭnikami
Straty Ukrainy ŭ vajnie składajuć jak minimum 46 tysiač čałaviek. A što ŭ Rasii?
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary