Sa dna Soža ŭ Homieli padniali vialiki rahaty čerap. Kažuć, što heta staražytny bizon
Homielskija supracoŭniki Tavarystva vyratavańnia na vodach znajšli častku čerapa z dvuma rahami na dnie Soža na dzieviacimietrovaj hłybini, piša «Biełka». Adrazu źjaviłasia viersija, što čerap nibyta moža naležać dahistaryčnaj žyviolinie.
Jak śćviardžaje zahadčyk adździeła archieałohii i achovy historyka-kulturnaj spadčyny muzieja pałacava-parkavaha ansambla Juryj Pankoŭ, pareštki naležać staražytnamu bizonu.
Pankoŭ raskazaŭ, što ŭ ledavikovy pieryjad bizony razam z mamantami byli ci nie samymi raspaŭsiudžanymi žyviołami ŭ hetych krajach. Miesca, dzie znajšli čerap z rahami, miažuje z maładym mikrarajonam Šviedskaja Horka, i jano bahataje na takija znachodki. Raniej tut užo znachodzili kości lasnoha słana, šarścistych mamantaŭ, nasarohaŭ, paŭnočnych aleniaŭ i navat piačornaha lva.
Uzrost znachodki nibyta kala 10 tysiač hadoŭ. Dakładnuju datu moh by dać radyjevuhlarodny analiz, ale pakul jaho zrabić niemahčyma.
Ciapier ža rahaty čerap ačyściać, zakansiervujuć, a ŭ pačatku nastupnaha hoda pakažuć na tradycyjnaj vystavie znachodak «Muziejny ekspanat».
Kamientary