Ksiondz Uładzisłaŭ Zavalniuk paśla zvalnieńnia z Čyrvonaha kaścioła zavioŭ kanał u jutubie
U jutubie źjaviŭsia kanał «Hołas dušy», na jakim vykładajuć jak praciahłyja videa, tak i šortsy z pramovami ksiandza Uładzisłava Zavalniuka, jaki niadaŭna byŭ adchileny ad pasady probašča minskaha Čyrvonaha kaścioła. Pra heta piša vydańnie Katolik.life.
Paśla taho jak viadomy śviatar Uładzisłaŭ Zavalniuk byŭ zvolnieny z pasady probašča Čyrvonaha kaścioła, jaho pryznačyli adkaznym za bieatyfikacyjny praces fundatara Čyrvonaha kaścioła Edvarda Vajniłoviča. Hetamu ŭ asnoŭnym i pryśviečany novy jutub-kanał.
U svaich videa ksiondz Uładzisłaŭ Zavalniuk padrabiazna raskazvaje pra Edvarda Vajniłoviča i praź jaho fihuru razvažaje na ahulnyja aktualnyja temy: jakimi pryncypami humanizmu kiravacca ŭ svaim žyćci, na što abapiracca sučasnamu čałavieku ŭ hetym śviecie, chto takija chrosnyja baćki, jak ich abrać, jakija abaviazki jany majuć pierad dziciom i pierad Boham.
Novuju dziejnaść ksiondz Uładzisłaŭ Zavalniuk pačaŭ nie tolki ŭ virtualnaj prastory. Niadaŭna jon celebravaŭ śviatuju Imšu ŭ intencyi rodu Vajniłovičaŭ u parafii śviatoha Łuki Jevanhielista i śviatoha Marcina ŭ Kurasoŭščynie, dzie razam z parafijanami maliŭsia ab bieatyfikacyi Edvarda Vajniłoviča.
«Niapraŭda aburaje». Vierniki raskazali, što nie tak sa zvalnieńniem probašča Čyrvonaha kaścioła
Na raźvitańni z ksiandzom Zavalniukom adklučyli tranślacyju. Što tam było?
Ksiondz Uładzisłaŭ Zavalniuk bolš nie probašč Čyrvonaha kaścioła
Nuncyj Jozič u Pałacy Niezaležnaści rassypaŭsia ŭ kamplimientach biełarusam
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary