U Asipovičach dzieci čyścili rovar u haražy i ledź nie zahinuli — na ich zaharełasia adzieńnie
Adzin z chłopčykaŭ vyrašyŭ pahulać z hazavym bałonam.
Chłopčyki 12 i 14 hadoŭ uviečary 27 žniŭnia patrapili ŭ lakarniu ŭ Asipovičach z apiokami.
Dzieci bavili čas u haražy ŭ adnym z kaapieratyvaŭ. Adzin z chłopcaŭ čyściŭ tarmaznyja kałodki ŭ rovary — dla hetaha jon abrezaŭ butelku i naliŭ tudy bienzin.
U hety čas druhoje dzicia znajšło partatyŭny hazavy bałon z hazavaj harełkaj i vyrašyŭ ź im pahulać. U vyniku adbyŭsia vybuch parapavietranaj sumiesi i pačaŭsia pažar. Na dzieciach zaharełasia adzieńnie.
Chłopčyki ŭpali na padłohu i pačali pierakočvacca, što dapamahło im patušyć adzieńnie. Jany vykacilisia na vulicu, dzie im na dapamohu paśpiašalisia vidavočcy z susiednich haražoŭ, jakija patušyli ahoń z dapamohaj vady i vohnietušyciela. Susied, jaki znachodziŭsia ŭ haražy niepadalok advioz dziaciej u balnicu.
Amal całkam adzieńnie zhareła, ahoń paškodziŭ i majomaść, što znachodziłasia ŭ haražy. MNS pravodzić pravierku.
-
«Na abočynie lažyć trup mužčyny». Surjoznaja avaryja na trasie Minsk — Homiel
-
U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
-
Šnobiel-2024: chto zdolny dychać praz anus, jak adździalić pjanych čarviakoŭ ad ćviarozych i ci možna hołuba vykarystać dla naviadzieńnia rakiet
Kamientary