Źjaviłasia VIDEA, jak u łatvijskich maładzionaŭ znajšli na miažy pakiecik z narkotykami — 0,82 hrama marychuany
Biełaruskaje telebačańnie raskazała niekatoryja padrabiaznaści historyi i pakazała videazapis, na jakim vidać, jak u mašynie znajšli pakiecik.
Pa infarmacyi BT, čaćviora hramadzian Łatvii, siarod jakich try dziaŭčyny (Palina, Anastasija i Uładlena) i chłopiec Daniel, zajechali ŭ Biełaruś praz punkt propusku «Hryharoŭščyna» 26 lipienia. Niekatoryja ź ich užo byli na fiestyvali ŭ Brasłavie ŭ minułyja hady.
Na videa pakazany momant ahladu aŭtamabila. Čuvać, jak supracoŭnica pahrankantrolu pytajecca, što za pakiecik lažyć zzadu ŭ sałonie. A taksama momant pravierki pakiecika z dapamohaj sabaki, pavodziny jakoha vyklikali padazreńni adnosna źmiestu pakiecika. Rečyva było adpraŭlena na ekśpiertyzu, a maładyja ludzi zatrymanyja.
Ekśpiertyza pakazała, što ŭ pakieciku była marychuana vahoj 0,82 hrama. Pa hetym fakcie zaviali kryminalnuju spravu za niezakonnaje pieramiaščeńnie praź dziaržaŭnuju miažu niebiaśpiečnaha narkatyčnaha rečyva, ździejśnienaje hrupaj asobaŭ.
Pa słovach karespandenta, Daniel paźniej vykazaŭ zdahadku, što pakiecik moh zhubić u sałonie jaho znajomy, jakoha jon padvoziŭ u Łatvii pierad samym adjezdam.
U siužecie BT małady čałaviek abviarhaje viersiju ab tym, što hety pakiecik moh być padkinuty supracoŭnicaj pahrankantrolu.
Karespandent raskazvaje, što 29 lipienia zamiežnikaŭ vypuścili ź IČU pad padpisku ab niavyjeździe. Jany pierasialilisia ŭ zdymnuju kvateru, a potym u haścinicu ŭ Połacku. Da ich pryjechali baćki i rodnyja.
Na «Viva Brasłaŭ» zatrymali čatyroch hramadzian Łatvii
«Pajechali ŭ Biełaruś na viečarynku i ciapier ljacie krakadziłavyja ślozy». Što dumajuć u Łatvii pra zatrymańnie na «Viva Brasłaŭ»
U aŭtamabili, jaki prybyŭ u Łatviju ź Biełarusi, znajšli tajniki na dystancyjnym kiravańni
Estoniec sprabavaŭ vyvieźci ź Biełarusi 2500 rarytetnych marak, pryčym bolšaść ź ich była na kanviertach
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas11
Kamientary
Aha, i žurnalistu Čudiencovu, jaki supracoŭničaŭ z nexta, na pamiežnym punkcie Bieraście-pasažyrski pad čas sproby źjechać u Polšču nichto 0.87 hrama marychuany nichto nie padkidvaŭ.
Čarhovaja partyja zakładnikaŭ.