Asudžany za špijanaž amierykaniec Poł Uiłan taksama źnik z rasijskaj kałonii
Advakat asudžanaha za špijanaž amierykanca Poła Uiłana Volha Karłava nie viedaje, dzie jon znachodzicca, paviedamiła jana infarmahienctvam.
Karłava raspaviała, što da jaje pastupajuć zapyty ad žurnalistaŭ z roznych mižnarodnych ahienctvaŭ z prośbaj patłumačyć, ci viadoma joj miescaznachodžańnie Poła, pakolki iduć čutki ab mahčymym abmienie.
«Ja nakiravała zapyt u administracyju kałonii, ale mnie nie adkazvajuć», — skazała Karłava.
Byłoha marpiecha Poła Uiłana asudzili ŭ 2020 hodzie za špijanaž i prysudzili da 16 hadoŭ kałonii. Termin jon adbyvaje ŭ VK-17 u Mardovii.
Učora stała viadoma pra źniknieńnie ŭ Rasii mnohich statusnych palitviaźniaŭ — 19-hadovaha Kievina Lika, abvinavačanaha ŭ dziaržzdradzie, palityka Illi Jašyna, pravaabaroncy Aleha Arłova, eks-kiraŭnic štaboŭ Navalnaha va Ufie i Tomsku Lilii Čanyšavaj i Ksienii Fadziejevaj, a taksama mastački Sašy Skačylenki. Jaje baćkam skazali, što dziaŭčynu viazuć u Maskvu. Ekśpierty dapuskajuć mahčymaść abmienu.
Da taho ž Alaksandr Łukašenka 30 lipienia pamiłavaŭ Ryka Kryhiera, jaki taksama moža ŭvajści ŭ «abmienny fond».
«10 dzion adkormlivali ŭ katedžy pad Minskam». Ukrainka, jakuju abmianiali na rasijskich pałonnych, raskazała, jak heta było
Łukašenka chacieŭ razmovy z Šolcam?
U Rasii z kałonij źnikli niekalki statusnych palitviaźniaŭ. Rychtujecca vialiki abmien?
Urad FRH nie kamientuje mahčymy abmien Kryhiera. Jon vykazaŭ zaniepakojenaść filmam BT
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary