Eks-supracoŭnika arhanizacyi «Adkrytaja Rasija» Ihara Rohava zatrymali ŭ Varšavie za špijanaž. U jaho taksama prajšoŭ pieratrus, paviedamlaje telehram-kanał Sota sa spasyłkami na try krynicy z atačeńnia Rohava.
Aktyvist «Adkrytaj Rasii» z Saranska Ihar Rohaŭ viadomy siarod inšaha tym, što byŭ zatrymany ŭ Minsku ŭ žniŭni 2020 hoda, kali razam ź inšym supracoŭnikam «Adkrytaj Rasii» Arciomam Važankovym pryjechaŭ panazirać za biełaruskimi vybarami i nastupnymi pratestami.
Ź imi tady było źniata videa, ź jakoha vynikała, što maładych ludziej źbivali, staviačy im u vinu arhanizacyju masavych biesparadkaŭ. Apieratar rabiŭ akcent, što ŭ zatrymanych majucca cialesnyja tatuiroŭki i sudzimaści.
Kamientary