U Breście pačali pradavać kvatery ŭ premijalnym žyłym kompleksie. Jakaja cana?
Bolš za hod tamu ŭ Breście razhortvalisia surjoznyja «nieruchomyja» batalii. Na aŭkcyjon trapiŭ pa-sapraŭdnamu šykoŭny ŭčastak: 4,3 ha ziamli ŭ centry horada, niedaloka ad nabiarežnaj Muchaŭca. Za prava nabyć łot i pabudavać na im žyły kompleks zmahalisia try bujnyja zabudoŭščyki (u tym liku staličny). Pieramoha zastałasia za «Paleśsiežyłbudam». Prajšło nie tak šmat času, i deviełapier prezientavaŭ kancept budučaha ŽK. Ciapier ža stała viadoma, jakija tam prapanujucca kvatery i za jaki košt, piša «Anłajnier».
Žyły kompleks, raźmieščany na skryžavańni vulic Famina i Hohala, atrymaŭ nazvu «Centr». Vyhladaje jon pa-łondansku: klinkiernaja cehła ŭ azdableńni fasada (budzie vykarystana niekalki vidaŭ mura), vialikija vokny, adkrytyja terasy. Usiaho ŭ kvartale ŭźviaduć piać damoŭ.
Uvachody ŭ padjezdy zrobiać z uzroŭniu ziamli. U kožnym łobi (nijakich standartnych padjezdaŭ) abstalujuć pakoi dla zachoŭvańnia kalasak. Dvary ŭpryhožać małymi architekturnymi formami. Pieršyja pavierchi damoŭ adviedzieny pad kamiercyjnyja prastory. Arandataraŭ abiacajuć padbirać tak, kab zabiaśpiečyć žycharoŭ mikrarajona ŭsimi nieabchodnymi tavarami i pasłuhami. Uvohule, u kvartale buduć i svaje bułačnyja, i punkty vydačy zakazaŭ.
Vialikuju ŭvahu nadali dziciačaj hulniavoj placoŭcy. Jaje nazyvajuć adnym z klučavych elemientaŭ architektury druhoha płana. Zabudoŭščyk adyšoŭ ad standartnaha płastyka ŭ bok aryhinalnych ekałahičnych kanstrukcyj.
«Hety prajekt unikalny. Žyły kompleks znachodzicca ŭ piešaj dastupnaści ad hałoŭnych haradskich słavutaściaŭ, u tym liku ŭ 10 chvilinach chady ad Bresckaj krepaści. Hałoŭnaja aleja złučaje dźvie važnyja łakacyi horada-nabiarežnuju i park kultury i adpačynku. My ŭładkujem na joj unikalnuju zonu z kamiercyjnymi pamiaškańniami i zonami adpačynku. Taksama staranna pradumany i kvatery — z prastornymi pakojami, vysokimi stolami i malaŭničymi terasami», — adznačajuć u «Paleśsiežyłbudzie».
Što tyčycca kvater, to ciapier prapanujucca dvuchpakajoŭki i trajački. Kvatery płoščaj da 100 «kvadrataŭ» atrymajuć stoli vyšynioj ad 2,7 da 3 mietraŭ. Płanirovačnyja rašeńni taksama raznastajnyja: z harderobnaj i kamoraj, z ułasnaj terasaj i dvuma sanvuzłami. Praduhledžany i kvatery ź jeŭrapłaniroŭkami, kali zony kuchni i haścinaj abjadnany ŭ adnu vialikuju prastoru.
Košt «kvadrata» fiksavany — 4438 rubloŭ (prykładna $1385 pa kursie). Jość rasterminoŭka i «partniorka». Pieršyja damy ŭ žyłym kompleksie «Centr» zdaduć u siaredzinie 2025 hoda.
Uvieś kvartał budzie budavacca jašče niekalki hadoŭ.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»37
Kamientary