U Maskvie zatrymali hiendyrektara budaŭničaj kampanii Minabarony Rasii
Jaho padazrajuć u złoŭžyvańni paŭnamoctvami pry vykanańni dziaržabaronzakazu.
U Maskvie zatrymany hienieralny dyrektar vajskova-budaŭničaj kampanii Minabarony Rasiei Andrej Białkoŭ.
Jaho padazrajuć u złoŭžyvańni paŭnamoctvami pry vykanańni dziaržabaronzakazu, a mienavita ŭ zakupcy tamohrafa zavyšanymi koštami dla viedamasnaha lačebna-dyjahnastyčnaha centra. Škoda aceńvajecca ŭ dziasiatki miljonaŭ rasijskich rubloŭ, piša «Radyjo Svaboda» sa spasyłkaj na «Kommiersant».
Adznačajecca pry hetym, što na momant ździajśnieńnia mierkavanaha złačynstva byŭ kiraŭnikom inšaj vajennaj arhanizacyi — «hałoŭnaha vajenna-budaŭničaha ŭpraŭleńnia pa śpiecyjalnych abjektach», i što pracu zatrymanaha kuryravaŭ aryštavany raniej pa abvinavačvańni ŭ karupcyi namieśnik ministra abarony Cimur Ivanoŭ.
Krynicy «Kommiersanta» śćviardžajuć, što raniej jon užo mieŭ znosiny sa śledčymi ŭ suviazi z kryminalnaj spravaj ab machlarstvie ŭ asabliva bujnym pamiery suprać jaho znajomaj Aleny Lachovič i jaje hałoŭnaha buchhałtara Viktara Bilko. Ich zatrymali letaś u kastryčniku, ciapier abodva znachodziacca pad chatnim aryštam. Ich sprava taksama źviazana z vykanańniem kantrakta na pastaŭku i mantaž tamohrafa.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj3
Kamientary