Taksistaŭ užo pačali štrafavać za vykarystańnie mašyn u asabistych metach — pa dziŭnym artykule
Rejestr aŭtamabilnych pieravozak pasažyraŭ u nierehularnych znosinach uvioŭ novyja praviły dla taksistaŭ. Adno z samych dyskusijnych — zabarona na vykarystańnie aŭtamabila taksi ŭ asabistych metach. I supracoŭniki DAI pačali štrafavać vadzicielaŭ za parušeńnie hetaha praviła.
Transpartnaja inśpiekcyja Mahiloŭskaj vobłaści pravodziła apieracyju «Płafon», u ramkach jakoj aštrafavała piać vadzicielaŭ za vykarystańnie aŭtamabila-taksi ŭ asabistych metach, piša abw.by.
Štrafujuć za heta parušeńnie pa cikavym artykule — za ŭdzieł u darožnym ruchu transpartnych srodkaŭ ź niaspraŭnaściami.
Transpartnaja inśpiekcyja spasyłajecca na Zakon «Ab aŭtamabilnym transparcie i aŭtamabilnych pieravozkach», jaki vyznačaje aŭtamabil-taksi jak transpartny srodak, jaki vykarystoŭvajecca dla aŭtamabilnych pieravozak pasažyraŭ i jaki adpaviadaje patrabavańniam, ustanoŭlenym Praviłami aŭtamabilnych pieravozak pasažyraŭ.
Pry hetym PDR zabaraniajuć udzieł u darožnym ruchu transpartnaha srodku z vonkava bačnymi nalepkami (malunkami), akramia vyznačanych va ŭstalavanym paradku apaznavalnych znakaŭ, praduhledžanych u prykładańni da PDR, trafaretaŭ, vystaŭlenych na vietravym abo bakavym škle transpartnaha srodku apieratyŭnaha pryznačeńnia, rekłamy, infarmacyi ab transpartnaha srodku adpaviednaj arhanizacyi.
Vykarystańnie fizičnaj asobaj transpartnaha srodku z admietnymi znakami absłuhoŭvańnia aŭtamabila-taksi dla svaich asabistych, siamiejnych, chatnich i inšych patreb, nie źviazanych z ažyćciaŭleńniem pradprymalnickaj dziejnaści, traktujecca jak parušeńnie PDR.
Štraf za kiravańnie transpartnym srodkam ź niaspraŭnaściu składaje adnu bazavuju — 40 rubloŭ. Adnak pry paŭtornym parušeńni možna narvacca i na štraf u piać bazavych — 200 rubloŭ.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?40
Kamientary