Pamierła češskaja biełarusistka Franciška Sokałava, dačka słavutaha Jana Patački
Francišcy Sokałavaj było 86 hadoŭ. Pra śmierć paviedamiŭ jaje syn.
Bolšuju častku žyćcia Franciška Sokałava pracavała ŭ Słavianskaj biblijatecy, dzie praź jaje ruki prajšli mnohija ŭnikalnyja biełaruskija staradruki — naprykład, vilenskaje Jevanhielle Piatra Mścisłaŭca.
A paśla taho, jak u kancy siamidziasiatych u Prazie znajšłasia nieviadomaja skarynijana — frahmenty «Knihi Sudździaŭ» — los biełaruskaha pieršadrukara staŭ pažyćciovaj daśledčyckaj temaj spadaryni Sokałavaj.
Franciška Sokałava — dačka vybitnaha fiłosafa Jana Patački, dysidenta, adnaho z zasnavalnikaŭ «Chartyi-77». Jana pierakłała na češskuju movu tvory Vasila Bykava, Uładzimira Arłova, Ryhora Baradulina, Alesia Razanava. Jana šmat čym dapamahała biełarusam.
U paviedamleńni pra jaje śmierć cytujucca radki z pasłańnia apostała Paŭła rymlanam:
ni śmierć ni žyćcio
ni anioły ni mocy
ni ciapierščyna
ni pryšłaść
nijakija siły
ni vyšniaje ni hłybinnaje
ništo va ŭsim tvareńni
nie zmoža adłučyć nas
ad Lubovi Božaje
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary