Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
Biełarus Ryhor Aleksijevič, jaki abviaščaŭ haładoŭku z-za kuplenaha im aŭtamabila, jaki zachras u litoŭskaj Kłajpiedzie, praciahvaje svoj pratest, ale ŭžo znachodziačysia ŭ amierykanskim Sakramenta, piša «Novaja hazieta. Bałtija».
«Ja byŭ padmanuty ŭ čakańniach, — havoryć Ryhor Aleksijevič. — Škaduju, što paddaŭsia na ŭhavory pradstaŭnikoŭ Siejma Litvy i spyniŭ pratest. Mianie prasili nie nahniatać abstanoŭku i nie davać padstavy dla abvinavačvańniaŭ u pravakacyi. Ja vyrašyŭ, što hetyja arhumienty hučać pierakanaŭča, napisaŭ zajavu i źjechaŭ dadomu ŭ Biełaruś».
Adnak, pa słovach mužčyny, adkaz jon tak i nie atrymaŭ, i ciapier nie chavaje rasčaravańnia pryniatym rašeńniem.
«Škada, što dva tydni byli patračanyja praktyčna marna, — praciahvaje jon. — Vializnyja namahańni, jakija ja prykłaŭ, byli całkam praihnaravanyja. Hetaja situacyja tyčycca taksama sotniaŭ inšych biełarusaŭ, jakich zakranuli abmiežavańni i jakija dahetul nie atrymali svaju majomaść».
Ciapier Ryhor Aleksijevič u horadzie Sakramenta, stalicy štata Kalifornija, adnaviŭ pratest. Z płakatam jon vyjšaŭ da miascovaha Kapitolija. Jon choča «kab uvieś śviet viedaŭ pra toje, što adbyvajecca ŭ Litvie», i vykazvaje «ćviordy namier praciahvać pratest, kali maje dziejańni pa-raniejšamu buduć ihnaravacca».
Jon papiaredžvaje, što moža viarnucca da haładoŭki, choć jana jamu i dałasia niaprosta.
U Litvie praz sankcyi zachraśli kala 4000 aŭtamabilaŭ biełarusaŭ.
Ciapier hetaja kolkaść skaračajecca, bo niekatoryja vyvoziać aŭtamabili praz Hruziju i Turcyju. Ale heta niatanna. 53-hadovy Ryhor Aleksijevič nie pahadziŭsia na taki šlach, paličyŭšy, što Litva niezakonna ŭtrymlivaje aŭtamabili i prymušaje biełarusaŭ źviartacca da darahich alternatyŭnych šlachoŭ.
Svoj hibrydny Honda CR-V 2020 hoda vypusku jon vyjhraŭ na aŭkcyjonie 23 krasavika 2024 hoda. Pakul aŭtamabil znachodziŭsia na šlachu ŭ Litvu, byli pryniaty miery pa ŭzmacnieńni sankcyj u adnosinach da hramadzian Biełarusi. Pry abmierkavańni abmiežavańniaŭ była praduhledžana ahavorka: kali mašyny byli nabyty da 1 lipienia, to ich vypuskać u abarot možna. Ale Litva hetaha nie zrabiła.
Aŭtamabil prybyŭ u Kłajpiedu 16 žniŭnia. Litoŭskaja mytnia admoviłasia vydać transpartnuju dekłaracyju dla vyvazu aŭtamabila ŭ Biełaruś. Ryhor Aleksijevič pryjechaŭ u Kłajpiedu, kab na miescy razabracca ŭ situacyi. Kali jamu ŭ čarhovy raz admovilisia addać aŭtamabil, abjaviŭ haładoŭku. Jamu navat udałosia atrymać tranzitnyja litoŭskija numary, ale nie ŭdałosia zabrać aŭtamabil z porta. Urešcie jon vyrašyŭ spynić haładoŭku i viarnucca ŭ Biełaruś.
Biełarus, jaki haładaŭ u Litvie z-za niavydačy aŭtamabila, spyniŭ akcyju i viartajecca dadomu
Biełarus, jaki abviaściŭ haładoŭku ŭ Kłajpiedzie, vyjšaŭ z balnicy i praciahvaje akcyju pratestu
«Daktary padazrajuć sardečny prystup». Biełarusa, jaki abviaściŭ haładoŭku ŭ Litvie, zabrała chutkaja
Biełarusu, jaki haładaŭ u Kłajpiedzie z-za niemahčymaści vyvieźci aŭtamabil u Biełaruś, vydali tranzitnyja numary
«Ja ŭ adčai». Biełarus, jakomu Litva nie addaje kupleny aŭtamabil, pačaŭ haładoŭku ŭ Kłajpiedzie
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
Ale jaho možna zrazumieć, abrabavany mytnikami i vysnažany hoładam, čałaviek čaplaŭsia za chibnuju nadzieju.
Mała vieru, što ŭdasca viarnuć adabranaje dziarchieŭraj, ale zyču pośpiechu
jašče i biezaasabova samyja siabie pryniali miery rabavać minakoŭ
...Pryhadaŭ jašče, jak Šostačycha ci niejkaja padobna aktyvistka raspaviadała mvarštacik, jak pratestavała nasuprać eŭrakamisyi (što mała sacyjalizmu, kankretna nia pamiataju) - karaciej ź siabroŭkaj la hmacha eŭrakamisyi biarłodyli, a eŭrakamisyjantki (drobnyja) nasili im kipień.
Tam takija pratesty, kab pavialičyli dyryžyzm i intervencyi ŭ ludzkoje žyćcio, eŭrakamisyja zaachvočaje.
Pamiarkuju, što i ŭ kamifornii idzie zaachvočańnie ad dempartyjnych ŭradaŭ, jak pavievy pavietra svabody ŭ hrudzi rahatuchi-prakuroršy ad bełemaŭskich padpałaŭ. Mahčyma spadar handlar aŭtamabilami nahledzieŭsia na hetuju padtrymku partyjaj i ŭradam sacyjalna blizkich, i pamierkavaŭ, što i jaho padtrymajuć.
Nie padtrymajuć