Z futbolnaj zbornaj Rasii admaŭlajucca hulać navat zbornyja z «družalubnych» krain
Hetaj vosieńniu futbolnaja zbornaja Rasii, paśla pačatku vajny z Ukrainaj vyklučanaja ź mižnarodnaha kalendara, chacieła zhulać paru matčaŭ sa zbornymi z azijackich krain. Ale tyja nie prajaŭlajuć asablivaha entuzijazmu.
Stała viadoma, što ad praviadzieńnia tavaryskaha matča sa zbornaj Rasii, jaki mieŭ adbycca ŭ listapadzie, admoviłasia zbornaja Tadžykistana. U Dušanbe zajavili, što atrymali zaprašeńnie ad RF, ale na hetyja daty ŭ ich užo jość damoŭlenaści ź inšymi kamandami.
Dva dni tamu, 5 kastryčnika, stała viadoma, što ad tavaryskaha matču z Rasijaj, jaki płanavaŭsia na kastryčnik, admoviŭsia Pakistan. U miascovaj fiederacyi futboła tłumačyli admovu tym, što jany nie paśpiejuć padrychtavacca da matču, i zajaŭlali pra svaju hatoŭnaść zhulać u listapadzie.
U 2024 hodzie rasijanam udałosia pravieści tolki try tavaryskija matčy — ź Biełaruśsiu (97-je miesca rejtynhu FIFA), Sierbijaj (35-je) i Vjetnamam (116-je).
Zbornaja Tadžykistana na hety momant zajmaje ŭ suśvietnym rejtynhu FIFA 103-je miesca, a zbornaja Pakistana — uvohule 197-je. Rasija pakul znachodzicca na 34-m miescy.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie22
Kamientary
Ludzi pracujuć ŭ kłubach a tut zbrodnyja.
Nu paraŭnajcie, što ŭ vas kavalski biznes, ŭ mianie santechničny, praz vulicu bułki piakuć i tak dalej.
I tut partyja i ŭrad ŭ nas na čas adbiraje lepšaha kavala, hidraŭlika i piekara kab tyja navypieradki z susiedniekałhasnymi daili pakosy. I hetaje śviata jašče my majem i apłacić.
Chvoraje šalenstva.