Na biełaruska-polskaj miažy zapracavała novaja pasłuha, kab nie stajać u čarzie
U punkcie propusku «Brest» na biełaruska-polskaj miažy zaraz nieabaviazkova pravodzić šmat hadzin u čarzie na aŭto. Možna zamović zvanok — i tabie paviedamiać, kali treba viarnucca na pamiežny i mytny kantrol. Kolki kaštuje pasłuha?
Jašče ź siaredziny vieraśnia ŭ pryhraničnych čatach chadzili naviny ab tym, što budzie źmieniena rehistracyja ŭ zonie čakańnia punktu propusku «Brest» na biełaruska-polskaj miažy. Zhodna z novymi praviłami, paśla rehistracyi bolš nie treba budzie stajać u čarzie. U zonu čakańnia možna pryjechać, kali vaš aŭtamabil vykličuć u punkt propusku (patelefanujuć abo paviedamiać u miesiendžary) niepasredna dla prachodžańnia mytnaha i pamiežnaha kantrolu.
Novaja pasłuha zapracavała z kastryčnika. Dastupna jana tolki tym, chto jedzie na aŭto (aŭtobusy nie zakranaje).
Błohier Rusłan Kavalčuk u svaim błohu ŭ instahramie raskazaŭ, jak heta vyhladaje. Jon jechaŭ ź Biełarusi ŭ Polšču ŭčora.
— Ciapier nie treba stajać u čarzie. Prosta pryjazdžaješ, rehistruješsia, płaciš 12 rubloŭ za rehistracyju i 5 rubloŭ za zvanok i źjazdžaješ pa svaich spravach. Kali tvaja čarha padydzie, tabie patelefanujuć i na praciahu 50 chvilin ty pryjazdžaješ i adrazu jedzieš na pamiežny pierachod! Jak vam? — raspavioŭ mužčyna ŭ storys.
Błohier nastrojvaŭsia na vielmi doŭhaje čakańnie, ale patelefanavali jamu ŭžo praz try hadziny. U vyniku jon prajšoŭ miažu mienš čym za 6 hadzin. Rusłan adznačyŭ, što, kali pierajechaŭ miažu, ubačyŭ, što ŭ advarotny bok čarha prykładna paŭtara kiłamietra.
— Ščyra kažučy, ja adčuŭ honar, kali ŭ nas stała tak cyvilizavana! Nie treba być sutkami pryviazanym da kalejki.
Što z vyjezdam ź Biełarusi pa stanie na ranicu suboty?
Na vahonie ciahnika, što prybyŭ u Litvu ź Biełarusi, niechta pakinuŭ vielmi dziŭny nadpis FOTAFAKT
Ukraincy, jakija biahuć ad mabilizacyi, płaciać tysiačy dalaraŭ, kab pierasiekčy miažu ź Biełaruśsiu
Jašče na paŭhoda praciahnuli zabaronu na ŭvoz asobnych tavaraŭ praź miažu ź Litvoj
Kamientary