Što rabili padazronyja mužčyny ŭ sinim padčas rasstrełu ludziej u «Krokusie»?
Internet-analityki vyjavili patencyjnych ahientaŭ FSB u hladackaj zali.
![Crocus city hall Krokus siti chołł Krokus sici choł](http://d3kcf2pe5t7rrb.cloudfront.net/img/w840d4webp1/photos/z_2024_03/ap24083580460876-ll8t3.jpg.webp)
Lubaja rezananskaja padzieja vyklikaje dadatkovuju aktyŭnaść u internet-ekśpiertaŭ i ich prychilnikaŭ. Naturalna, trahiedyja ŭ «Krokus Sici Chole» nie stała vyklučeńniem. Terakt užo pačynaje abrastać samymi raznastajnymi teoryjami zmovy. Zrešty, niekali moža akazacca, što racyju mieli jakraz adepty adnoj z takich viersij, a nie tyja, chto vieryć aficyjnaj viersii.
Jakija asnoŭnyja teoryi raspaŭsiudžvajucca ŭ internecie?
Niekatoryja analityki pierakonvajuć, što rasstreł ludziej zahadzia byŭ spłanavany FSB. A sapraŭdnyja vykanaŭcy, maŭlaŭ, heta nie zatrymanyja tadžyki.
«Terakt čysta vykanany. Apieracyju vykonvali ludzi, jakija majuć armiejskuju zładžanaść pa padrychtoŭcy prahramy armiejskaha śpiecnazu. My bačym, što ŭ kadry pastajanna idzie cotnaja kolkaść ludziej — dvoje, čaćviora, šaściora. Heta adna, dźvie ci try dvojki, adpracoŭka parnaha kantaktu. Adzin idzie, druhi prykryvaje. Heta śpiecnazaŭskaja para. Poŭnaja aŭtanomija. Vielmi zładžanyja i skaardynavanyja dvojki», — tłumačycca ŭ adnym z videa ŭ jutubie.
Pra datyčnaść da śpiecnazu, na pohlad prychilnikaŭ hetaj teoryi, havoryć maniera stralby pa ludziach u hladzielnaj zali. «Adzin z bajevikoŭ stralaje nie ŭkładvajučysia. Nie karystajecca prykładam. Stralaje ad biadra, ad plača. U jaho jość navyk stralby pa žyvych ludziach. Jon stralaje spakojna. Astatnija trymajuć svaje siektary, hladziać, što ŭ zali. I hetaja zładžanaść prafiesijanałaŭ. Heta nie barbiešopiery i nie taksisty, jakija ŭčora raptam atrymali zamovu, a siońnia pabiehli niekaha zabivać».
U jakaści arhumienta na karyść hetaj teoryi pryvodzicca fakt, što vykanaŭcy nie majuć broniekamizelek, bo ŭpeŭnienyja, što ahniu ŭ adkaz nie budzie. Akramia hetaha, śćviardžajecca, što dla padpału hladzielnaj zali vykarystoŭvałasia «prafiesijnaja armiejskaja zbroja» — termitnyja šaški.
Prychilniki hetaj teoryi ŭpeŭnieny, što vykanaŭcaŭ viali zvonku, im harantavali adychod. Što tyčycca tadžykaŭ, to ich nazyvajuć dapamožnym piersanałam, jaki «išoŭ raźmiennaj manietaj. Heta byli achviarnyja aviečki, jakim skazali ŭziać z saboju pašparty, bo ich čakaje akno na miažy». Realnyja ž bajeviki nie byli złoŭleny.
Inšaja teoryja pieradusim bazujecca na isnavańni «kurataraŭ z pucinskich śpiecsłužbaŭ», jakija mieli admietnuju asablivaść — siniuju futbołku i džynsy, kab adroźnić adzin adnaho ŭ natoŭpie.
Ekśpierty analizujuć kadry z hladzielnaj zali i robiać vysnovu, što ludzi ŭ sinim nie panikavali i dakładna kiravali pracesam błakiroŭki ludziej u zali, kudy paźniej zajšli zabojcy.
Vo vriemia tierakta v Krokusie byli FSBešniki!!!
V zvle hdie dołžien był projti konciert hruppy "Piknik", kak i na vsiech druhich mieroprijatijach byli FSBešniki. Oni dažie odiety v odinakovuju odieždu: sinij śvitier i džinsy.
Na vidieo vidno, kak sidiaŝije v zale pod vidom zritielej, očień chorošo… pic.twitter.com/GXHT3fB0bt
Na kadrach čuvać, jak adzin z mužčyn u siniaj futbołcy i džynsach kryčyć, kab zakryli dźviery. Analityki naličyli ŭ zali kala dvuch dziasiatkaŭ takich «ahientaŭ».
Da supracoŭnikaŭ FSB adnieśli adnaho z mužčyn, jaki chutka nabraŭ paviedamleńnie na telefonie, a paźniej pačaŭ zdymać videa. A paźniej jon ža z mužčynam, jaki hetaksama apranuty, kryčyć, kab zakryvali dźviery.
Hetyja razvahi dajuć padstavy analitykam śćviardžać, što rasstreł u «Krokusie» byŭ arhanizavany rasijkimi śpiecsłužbami na zamovu Uładzimira Pucina.
Čytajcie jašče:
Čamu terarystam dali ŭciačy da branskich lasoŭ? Voś što prydumali ŭ apraŭdańnie siłavikoŭ
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary