17 lutaha ŭ Vilni na mižnarodnym paetyčnym fiestyvali «Vieršy na asfalcie» ŭručanaja Premija Ciotki za najlepšyja knihi dla dziaciej i padletkaŭ. Pieramožcami stali Anton Francišak Bryl i mastačka Lilija Busarava, piša Budzma.org.
![](http://d3kcf2pe5t7rrb.cloudfront.net/img/w840d4webp1/photos/z_2024_02/sus2tgstx1faiw98j8z1tbaxjeg6t66k-d47fy.jpg.webp)
Mastačka Lilija Busarava pieramahła ŭ naminacyi «Najlepšaje mastackaje afarmleńnie» ź ilustracyjami da knihi «Moj ryžy Bim» aŭtarstva Edzi Ahniaćviet.
Paet i pierakładčyk Anton Francišak Bryl, jaki napisaŭ vieršavanyja «Myšynyja Kalady», pieramoh u naminacyi «Najlepšaja kniha dla dziaciej i padletkaŭ».
![](http://d3kcf2pe5t7rrb.cloudfront.net/img/w732d4webp1/photos/z_2024_02/a4zm4sls3jn9qt03rj8l2bmamtidm5yc-ieigw.jpg.webp)
Na feście ŭ Vilni prysutničała adna ź pieramožcaŭ — Lilija Busarava.
Pieramožcaŭ abviaščała staršynia Biełaruskaha PEN-centra, paetka i vydaviec Taćciana Niadbaj. Jana raskazała, što ŭ poŭny śpis naminacyi «Najlepšaja kniha dla dziaciej i padletkaŭ» uvajšło bolš za try dziasiatki knih, u śpis naminacyi «Najlepšaje mastackaje afarmleńnie» — 23 knihi.
![](http://d3kcf2pe5t7rrb.cloudfront.net/img/w732d4webp1/photos/z_2024_02/yfw3xa415ye7ifnmo6i7evl552ccwr71-ed1pn.jpg.webp)
Premiju Ciotki zasnavali RHA «Sajuz biełaruskich piśmieńnikaŭ», dabračynny fond «Viartańnie» i Biełaruski PEN-centr u kancy 2015 hoda. Heta adzinaja niedziaržaŭnaja biełaruskaja litaraturnaja premija, jakaja dajecca za dasiahnieńni ŭ halinie dziciačaj litaratury i knihavydańnia.
Čamu apiakunkaj premii abranaja Ałaiza Paškievič (Ciotka)? Jana — aŭtarka «Pieršaha čytańnia dla dzietak biełarusaŭ», stvaralnica pieršaj biełaruskaj škoły ŭ Vilni, redaktarka časopisa dla dziaciej i moładzi «Łučynka».
Upieršyniu premija była ŭručana ŭ 2016 hodzie. Łaŭreatami pieršaj premii Ciotki stali Nadzieja Jaśminska, aŭtarka knihi «Siem ružaŭ» i Kaciaryna Dubovik, ilustratarka hetaj samaj knihi.
![](http://d3kcf2pe5t7rrb.cloudfront.net/img/w732d4webp1/photos/z_2024_02/njv55nydvhiz6ppzlev8kqxh0lwzcnvg-h0c4d.jpg.webp)
Taksama ŭčora na fiestyvali «Vieršy na asfalcie» abviaścili łaŭreata litaraturnaj premii imia Michasia Stralcova. Im staŭ paet Usievaład Ścieburaka z knihaj «Biełaruskija zorki».
Prahrama sioletniaha festu tut.
Hladzieć anłajn-tranślacyju Stralcoŭskaha festu možna pa spasyłcy.
Čytajcie taksama:
Abvieščany łaŭreat Litaraturnaj premii imia Michasia Stralcova
U Słucku vypravili pamyłku na pamiatnym kamieni ŭ honar piśmieńnika Vasila Vitki
Kamientary