Litaratura

Stali viadomyja łaŭreaty premii Ciotki za 2022 hod

17 lutaha ŭ Vilni na mižnarodnym paetyčnym fiestyvali «Vieršy na asfalcie» ŭručanaja Premija Ciotki za najlepšyja knihi dla dziaciej i padletkaŭ. Pieramožcami stali Anton Francišak Bryl i mastačka Lilija Busarava, piša Budzma.org.

Mastačka Lilija Busarava pieramahła ŭ naminacyi «Najlepšaje mastackaje afarmleńnie» ź ilustracyjami da knihi «Moj ryžy Bim» aŭtarstva Edzi Ahniaćviet.

Paet i pierakładčyk Anton Francišak Bryl, jaki napisaŭ vieršavanyja «Myšynyja Kalady», pieramoh u naminacyi «Najlepšaja kniha dla dziaciej i padletkaŭ».

Mastačka Lilija Busarava

Na feście ŭ Vilni prysutničała adna ź pieramožcaŭ — Lilija Busarava.

Pieramožcaŭ abviaščała staršynia Biełaruskaha PEN-centra, paetka i vydaviec Taćciana Niadbaj. Jana raskazała, što ŭ poŭny śpis naminacyi «Najlepšaja kniha dla dziaciej i padletkaŭ» uvajšło bolš za try dziasiatki knih, u śpis naminacyi «Najlepšaje mastackaje afarmleńnie» — 23 knihi.

Staršynia PEN-centra Taćciana Niadbaj

Premiju Ciotki zasnavali RHA «Sajuz biełaruskich piśmieńnikaŭ», dabračynny fond «Viartańnie» i Biełaruski PEN-centr u kancy 2015 hoda. Heta adzinaja niedziaržaŭnaja biełaruskaja litaraturnaja premija, jakaja dajecca za dasiahnieńni ŭ halinie dziciačaj litaratury i knihavydańnia.

Čamu apiakunkaj premii abranaja Ałaiza Paškievič (Ciotka)? Jana — aŭtarka «Pieršaha čytańnia dla dzietak biełarusaŭ», stvaralnica pieršaj biełaruskaj škoły ŭ Vilni, redaktarka časopisa dla dziaciej i moładzi «Łučynka».

Upieršyniu premija była ŭručana ŭ 2016 hodzie. Łaŭreatami pieršaj premii Ciotki stali Nadzieja Jaśminska, aŭtarka knihi «Siem ružaŭ» i Kaciaryna Dubovik, ilustratarka hetaj samaj knihi.

Taksama ŭčora na fiestyvali «Vieršy na asfalcie» abviaścili łaŭreata litaraturnaj premii imia Michasia Stralcova. Im staŭ paet Usievaład Ścieburaka z knihaj «Biełaruskija zorki».

Prahrama sioletniaha festu tut.

Hladzieć anłajn-tranślacyju Stralcoŭskaha festu možna pa spasyłcy.

Čytajcie taksama:

Niaklajeŭ, Aksak, Arłoŭ, Chadanovič i Strocaŭ. Što čakać u hetym hodzie ad festu «Vieršy na asfalcie»

Abvieščany łaŭreat Litaraturnaj premii imia Michasia Stralcova

U Słucku vypravili pamyłku na pamiatnym kamieni ŭ honar piśmieńnika Vasila Vitki

Kamientary

Ukrainskija vojski prarvali miažu Rasii na jašče adnym učastku ŭ Kurskaj vobłaści16

Ukrainskija vojski prarvali miažu Rasii na jašče adnym učastku ŭ Kurskaj vobłaści

Usie naviny →
Usie naviny

Viadoŭca «Biełsata» vydaŭ knihu pra Dastajeŭskaha22

Bieły dom nie budzie mianiać palityki ŭ dačynieńni da ŭdaraŭ zachodniaj dalnabojnaj zbrojaj pa Rasii7

Być pieramožcami ci rasčesvać rany achviarnaści? Sprava ŭ śviadomym vybary3

Žycharam Minska zadarma razašluć 300 tysiač fota ź vidami horada3

Viadomaha rasijskaha aeraraźviedčyka praz kanflikt z kamandziram adpravili ŭ miasny šturm. Tam jon i zahinuŭ10

Pravaabaroncy padličyli, kolki biełarusaŭ sioleta zatrymali paśla viartańnia z-za miažy3

Prypynki hramadskaha transpartu ŭ Viciebsku ŭpryhožyli cytatami z Łukašenki 9

Rajadździeł kultury abviaściŭ zbor hrošaj, kab zakansiervavać kaścioł Śviatoha Ducha3

Chto toj palak na sustrečy z Łukašenkam, jaki jamu padchichikvaŭ?13

bolš čytanych navin
bolš łajkanych navin

Ukrainskija vojski prarvali miažu Rasii na jašče adnym učastku ŭ Kurskaj vobłaści16

Ukrainskija vojski prarvali miažu Rasii na jašče adnym učastku ŭ Kurskaj vobłaści

Hałoŭnaje
Usie naviny →