Druhim čałaviekam u KR moža stać błohier Jan Rudzik.
Kaardynacyjnuju radu pakinuła jaje vice-śpikierka Alena Žyvahłod, kamanda Narodnaha antykryzisnaha ŭpraŭleńnia adklikała svajho delehata Arcioma Bruchana. U abodvuch vypadkach nazvanaja adna pryčyna — u suviazi z zaviaršeńniem paŭnamoctvaŭ KR druhoha sklikańnia.
Paŭnamoctvy Kaardynacyjnaj rady druhoha sklikańnia skančajucca siońnia, 8 lutaha.
Narodnaje antykryzisnaje ŭpraŭleńnie, jakoje adklikała svajho delehata, abvinavaciła śpikiera KR Andreja Jahorava ŭ tym, što jon niasie palityčnuju adkaznaść za kryzis u struktury.
«Narodnaje antykryzisnaje ŭpraŭleńnie vystupaje za praviadzieńnie vybaraŭ u Kaardynacyjnuju radu pa sistemie pramoha hałasavańnia pa śpisach, dzie ŭ kožnaha vybarščyka jość 1 hołas», — havorycca ŭ zajavie NAU.
Žyvahłod taksama zajaviła ŭ strymie «Jeŭraradyjo», što ŭ Kaardynacyjnaj radzie kryzis, a śpikier Andrej Jahoraŭ jaho nie pryznaje i ničoha nie mianiaje. Jaje sychod — heta sproba źviarnuć uvahu na prablemu, jakuju vypravić, znachodziačysia ŭnutry Rady, jana nie moža. Pavodle Žyvahłod, z KR za čas jaje dziejnaści syšło bolš za 13 delehataŭ.
Tym časam, sama Kaardynacyjnaja rada zajaviła, što praciahvaje svaje paŭnamoctvy.
U statut unieśli papraŭku, zhodna ź jakoj paŭnamoctvy biahučaha składu KR zaviaršacca ŭ dzień praviadzieńnia pieršaha ahulnaha pasiadžeńnia novaha składu — to-bok paśla vybaraŭ u KR. Ciapier dapracoŭvajuć praceduru vybaraŭ. Chutka budzie abvieščana i data samich vybaraŭ, abiacaje KR.
Śpikieru Kaardynacyjnaj rady Andreju Jahoravu prykra, što delehaty abrali taki šlach sychodu. Na jaho pohlad, adkaznaść delehataŭ na ciapierašnim etapie — heta praviadzieńnie vybaraŭ.
«Ale heta samavyznačeńnie ludziej i my musić prymać heta samavyznačeńnie», — kaža jon.
Paśla sychodu z Kaardynacyjnaj rady Aleny Žyvahłod jaje miesca vice-śpikiera ŭ teoryi musić zaniać błohier Jan Rudzik.
Reč u tym, što pavodle statutu Kaardynacyjnaj rady, delehat, jaki nabraŭ druhoje miesca pa kolkaści hałasoŭ padtrymki, aŭtamatyčna zajmaje pasadu, ź jakoj syšoŭ lidar. Heta i dazvalaje Rudziku raźličvać na miesca Žyvahłod.
Andrej Jahoraŭ ličyć, što ŭ ciapierašniaj situacyi varta pravieści pieravybary vice-śpikiera, a taksama śpikiera, jakoha vinavaciać u «palityčnym kryzisie».
Heta vyjavić, ci daviarajuć delehaty ciapierašniamu kiraŭnictvu Kaardynacyjnaj rady.
Jahoraŭ pryznaje, što situacyja vyhladaje niaprostaj i źviazana heta z zaciahvańniem pryniaćcia rašeńniaŭ pa vybarčaj sistemie. Jon tłumačyć, što Kaardynacyjnaja rada šukała kampramis z Abjadnanym pierachodnym kabinietam, partyjami i inšymi subjektami. Byli doŭhija sprečki i debaty ludziej z roznymi pazicyjami.
Na hety momant jość niekalki varyjantaŭ praviadzieńnia vybaraŭ. Raniej pryniaty treba spraścić.
Jahoraŭ zapeŭnivaje, što najbližejšymi dniami budzie kančatkovaje hałasavańnie pa vybarčaj sistemie, jakoje na zaćvierdžańnie dašluć Śviatłanie Cichanoŭskaj.
U pryjarytecie dva varyjanty hałasavańnia: z tryma hałasami ŭ vybarščyka, jakija jon možna addać za roznyja śpisy kandydataŭ, i z adnym hołasam, jaki moža addać tolki za adzin śpis. Pa słovach Jahorava, pieršy varyjant dazvalaje mieć bolš pradstaŭničuju i raznastajnuju Kaardynacyjnuju radu.
***
Kaardynacyjnaja rada była stvorana ŭ 2020 hodzie dla arhanizacyi pracesu pieraadoleńnia palityčnaha kryzisu i zabieśpiačeńnia zhody ŭ hramadstvie, a taksama dla abarony suvierenitetu i niezaležnaści Biełarusi.
U listapadzie minułaha hoda ŭ mnohich siabroŭ Kaardynacyjnaj rady adbylisia vobšuki pa miescy ich rehistracyi ŭ Biełarusi. Śledčy kamitet zajaviŭ, što pa «spravie Kaardynacyjnaj rady» padazravanymi prachodziać bolš za 100 čałaviek.
«Naša Niva» — bastyjon biełaruščyny
PADTRYMAĆHladzicie taksama:
Kaardynacyjnaja rada rašaje, jak pravieści svaje vybary. Jość siem kancepcyj
Chutka vybary ŭ Kaardynacyjnuju radu. A viedajecie, kolki tam zarablajuć?
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary
Prabačcie, a što, Cichanoŭskaja raźbirajecca ŭ vybarčaj sistemie? Maje adpaviednyja viedy? Kab niešta zaćviardžać?