Kaardynacyjnaja rada rašaje, jak pravieści svaje vybary. Jość siem kancepcyj
Pra budučyja vybary ŭ Kaardynacyjnuju radu «Našaj Nivie» raskazaŭ kiraŭnik pracoŭnaj hrupy pa vybarach Pavieł Patapaŭ.
Što za 7 kancepcyj
Pavodle Paŭła Patapava, na razhlad rabočaj hrupy pa vybarach pradstaŭleny 7 kancepcyj, raspracavanych roznymi aŭtarami:
«Niekatoryja aŭtary — heta pradstaŭniki frakcyj KR. Ale jość kancepcyi, pradstaŭlenyja aŭtanomna. I heta nie aznačaje, što jany majuć mienšuju padtrymku. Tak, prapanovy ad «pazafrakcyjnaha» Dźmitryja Kruka padčas unutranaha apytańnia siarod delehataŭ Kaardynacyj rady trapili ŭ top-2 prymalnych vybarčych sistem».
Pavieł Patapaŭ adznačaje niekalki opcyj, pavodle jakich kancepcyi istotna adroźnivajucca pamiž saboj: častka ź ich praduhledžvaje całkam vybarny skład KR, častka padtrymlivaje pryncyp delehavańnia (ad traciny da ŭsich) kandydataŭ ad roznych hramadskich struktur. Prykładam, kancepcyja, prapanavanaja Lizavietaj Prakopčyk, palahaje ŭ tym, što pałova kandydataŭ budzie delehavanaja ad struktur hramadzianskaj supolnaści.
Ale zusim nie abaviazkova, što ŭ skład Kaardynacyjnaj rady trapiać usie pradstaŭniki partyj i hramadskich arhanizacyj, jakich delehavali hramadskija ŭtvareńnie: maje być abo konkursny adbor, abo dadatkovaje hałasavańnie, dadaje Pavieł Patapaŭ.
Juraś Hubarevič prapanuje pravieści vybary pa partyjnych śpisach. Raman Kiślak miarkuje, što biez hałasavańnia ŭ skład rady varta ŭklučyć 8 palitźniavolenych — dziejnych siabraŭ KR. Andrej Kurejčyk vystupaje za toje, kab vybarščyki hałasavali za kankretnych pierson i nie było ni delehavańnia, ni partyjnych śpisaŭ.
«Kožnaja kancepcyja hraje na karyść peŭnaj aŭdytoryi, ale treba imknucca pabudavać spraviadlivuju sistemu, jakaja nikomu nie daje prefierencyj», — kaža kiraŭnik pracoŭnaj hrupy pa vybarach.
Kali sami vybary?
Pavieł Patapaŭ miarkuje, što praces raspracoŭki aŭtarskich kancepcyj zavieršany — bolš niama achvotnych prezientavać svajo bačańnie farmavańnia KR. Bolš padrabiazna paznajomicca z najaŭnymi prapanovami možna na jutub-kanale Kaardynacyjnaj rady: videaprezientacyi kancepcyj adbylisia 31 kastryčnika i 1 listapada.
«My pryjšli da taho, što možam vybrać kancepcyju z hetaha pieraliku choć ciapier — dla hetaha isnuje farmat rejtynhavaha hałasavańnia. Ale ŭ nas jość ideja zrabić ahulnuju hramadskuju kampaniju — dałučyć da pracesu inšych demakratyčnych aktaraŭ, partyi i hramadskija arhanizacyi, u jakich jość svaje mierkavańni pra toje, jak musiać prachodzić vybary. Tamu zaraz stvarajecca arhkamitet, jaki, mahčyma, raspracuje ŭłasnuju kancepcyju. U jaho, chutčej za ŭsio, na pieršym etapie uvojduć pradstaŭniki KR, Abjadnanaha pierachodnaha kabinieta, Ofisa Śviatłany Cichanoŭskaj i kaardynacyjnaj hrupy partyj. Ale my bačym arhanizacyjny kamitet bolš šyrokim i inkluziŭnym, z mahčymaściu dałučycca samym roznym subjektam», — havoryć kiraŭnik rabočaj hrupy pa vybarach u KR.
Vynikam pracy arhkamiteta pa farmavańni novaha składu rady musić stać takaja kancepcyja, jakaja budzie zadavalniać usich ci budzie kampramisnaj.
«Jakraz ciapier naša pracoŭnaja hrupa zajmajecca tym, kab maksimalna zblizić prezientavanyja kancepcyi, — kab ich stała mienš. Kali ž kardynalnaha zbližeńnia nie atrymajecca, my składziem šort-list, abraŭšy finalistaŭ, dadamo kancepcyju arhkamiteta i praviadziem hałasavańnie. Ale heta nie kančatkovaja prapanova, jana ŭ pracesie abmierkavańnia», — padzialiŭsia svaim bačańniem prablemy Pavieł Patapaŭ.
Pavodle jahonych słovaŭ, vybary ŭ Kaardynacyjnuju radu adbuducca pryblizna u pačatku sakavika, a miechanizm hałasavańnia budzie zaležać ad taho, jakaja kancepcyja farmavańnia rady budzie pryniata. Hałasavańnie, najchutčej, projdzie anłajn z vykarystańniem płatformy «Novaja Biełaruś». Arhanizatary spadziajucca, što ŭdzieł u im voźmuć 100 tysiač čałaviek.
Čytajcie taksama:
Trya Sachaščyk, Prakopjeŭ i Jahoraŭ pajechała ŭ turne. Pra što havorać na sustrečach ź biełarusami
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary