U Kaardynacyjnaj radzie spračajucca, jaki musić być rehłamient, ci nie nazvać jaho statutam i chto kamu budzie vynosić votum niedavieru
U Kaardynacyjnaj radzie prachodziać debaty nakont taho, jak pracavać dalej. Adzin z udzielnikaŭ dyskusii paraŭnaŭ heta z doŭhimi sojmami Rečy Paspalitaj pierad jaje kančatkovaj akupacyjaj.
Frakcyi, kamisii i padvojeny mandat
U debatach udzielničali palitołah Andrej Jahoraŭ, daradca Śviatłany Cichanoŭskaj Alaksandr Dabravolski, lidarka supolnaści «Sumlennyja ludzi» Alena Žyvahłod, pradstaŭnik biełaruskaj dyjaspary Adžaryi Raman Kiślak, a taksama pradstaŭnik Abjadnanaha pierachodnaha kabinieta Valeryj Kavaleŭski.
Rabočaja hrupa abmiarkoŭvała Rehłamient. Čarnavy varyjant dakumienta pahartać nie vypała.
U Kaardynacyjna radzie źbirajucca stvaryć frakcyi i kamisii. Jak vynikała z dyskusii, frakcyjnuju sistemu funkcyjanavańnia Rady prapanavaŭ Alaksandr Dabravolski.
Frakcyi palityk nazvaŭ važnym instrumientam pracy z roznahałośsiem. U ich adbyvajecca ŭzhadnieńnie roznych pazicyj.
Pavodle palityka, biez frakcyj parłamient kiepska pracuje.
«Možna pahladzieć na Pałatu pradstaŭnikoŭ, dzie niama nivodnaj frakcyi», — adznačyŭ jon.
«Kali ŭ parłamiencie niama kamisij, a jość tolki frakcyi, to jon pa sutnaści miesca palityčnaj baraćby, a nie pracy pa tych napramkach jakija cikaviać vybarcaŭ,
— davodziŭ palityk kaleham. — Kali my sabralisia, kab dapamahčy Biełarusi pierajści na šlach demakratyčnaha raźvićcia, to važna kab my zajmalisia prablemami, jakija chvalujuć ludziej».
Debaty prachodzili praź niekalki dzion paśla sychodu z Kaardynacyjnaj rady kiraŭnika Abjadnanaha pierachodnaha kabinieta Paŭła Łatuški. Svoj krok palityk źviazaŭ z padychodam, «jaki moža ŭ kancy pryvieści da źmieny stratehii demakratyčnych sił Biełarusi».
U samoj Radzie kažuć, što na dadzieny momant aktualnaj zastajecca stratehija, raspracavanaja razam z Ofisam Śviatłany Cichanoŭskaj i ŭchvalenaja poŭnym składam Rady ŭ 2021 hodzie.
«Ciapier vidavočna patrabujecca abnaŭleńnie hetaj stratehii, aktyŭnaja praca adpaviednaj pracoŭnaj hrupy pačniecca paśla zaćvierdžańnia Rehłamientu», — adznačajuć.
Padčas debataŭ Valeryj Kavaleŭski havaryŭ pra ŭzajemadziejańnie Kaardynacyjnaj rady z Abjadnanym pierachodnym kabinietam u vypracoŭcy ahulnaj stratehii, spravazdačnaści, pytańni pryznačeńniaŭ, supracoŭnictva pa zamiežnaj dapamozie i mižnarodnaj dziejnaści, Abmiarkoŭvaŭsia tak zvany «padvojeny mandat» — kali pradstaŭnik maje prava hołasu i ŭ Kabiniecie, i ŭ Kaardynacyjnaj radzie.
Valeryj Kavaleŭski pryznaŭ, što pytańnie «padvojenaha mandatu» vyklikała šmat sprečak u kalehaŭ pa Kaardynacyjnaj radzie, ale, pavodle palityka, takaja forma ŭzajemadziejańnia «maje patencyjał dla ŭmacavańnia kadravaha pytańnia».
Kavaleŭski adznačyŭ, što farmuloŭki, jakija prapanoŭvaŭ Kabiniet da hetaha punkta, «syšli z prajekta Rehłamientu», a tyja što zastalisia «vyhladajuć dyskryminacyjnymi».
Pavodle jaho, važna, kab u mižnarodnaj dziejnaści była ŭzhodnienaja pazicyja, inačaj raznaboj budzie admoŭna ŭsprymacca partniorami.
«U Kabinieta jość upłyŭ, spadziajusia, što i ŭ Kaardynacyjnaj rady zjavicca ŭpłyŭ i adkaznaść»
Raman Kiślak prapanavaŭ nazvać Rehłamient Kaardynacyjnaj rady statutam.
Pa jaho słovach, novy Rehłamient dazvolić pazbycca biaskoncych dyskusij na adnu temu. Jon paraŭnaŭ takuju situacyju z doŭhimi sojmami Rečy Paspalitaj pierad jaje kančatkovaj akupacyjaj.
Kiślak kazaŭ, što meta Kaardynacyjnaj rady — pazbaŭleńnie Biełarusi ad tyranii, vyzvaleńnia palitźniavolenych, svabodnaje raźvićcio krainy, kab tyja, chto vymušany byŭ źjechać, viarnulisia.
Pavodle jaho, Abjadnany pierachodny kabiniet — heta vykanaŭčy orhan, a Kaardynacyjnaja rada — pradstaŭničy.
Jon ličyć, što sumiaščeńnie siabroŭstva ŭ Kabiniecie i Kaardynacyjnaj rady supiarečyć pryncypu padziełu i abmiežavańnia ŭłady.
«Niechta skaža, što ŭ nas niama ŭłady. Zhadžusia. Ale ŭ nas jość adkaznaść. U nas jość upłyŭ. U Kabinieta jość upłyŭ, spadziajusia, što i ŭ Kaardynacyjnaj rady zjavicca ŭpłyŭ i adkaznaść.
I my hetuju adkaznaść pavinny raździalić. U dadzienym vypadku kancepcyja, kali my nie možam sumiaščać siabroŭstva ŭ hetych orhanach, najlepšym čynam adpaviadaje efiektyŭnaści».
Prapanovy Andreja Jahorava praduhledžvajuć vyniasieńnie votumu niedavieru i acenki dziejnaści siabram Abjadnanaha pierachodnaha kabinieta.
Pavodle jaho, Kaardynacyjnaja rada — pradstaŭničy orhan, jaki moža stać placoŭkaj dla realnaha ŭzajemadzieńnia miž roznymi palityčnymi siłami. Jon musić być padkantrolnym svaim delehatam i hramadstvu.
Alena Žyvahłod prapanavała, kab u čalcoŭ Rady była mahčymaść vynosić votum niedavieru śpikieru.
Alena Žyvahłod. Skryn z YouTube-kanała Kaardynacyjnaj rady
Kantrol za viaršenstvam Rehłamientu jana prapanavała ŭskłaści na kamisiju pa etycy, u jakoj pa losavańni buduć pracavać usie delehaty Rady.
Hetyja prapanovy Andrej Jahoraŭ acharaktaryzavaŭ jak papulisckuju madel dziejnaści.
Što dalej
Siabry Kaardynacyjnaj rady ciapier hałasujuć, jakaja z alternatyŭnych farmulovak najbolš prydatnaja dla pracy. Pa zaćviardžeńni finalnaj viersii Rehłamient apublikujuć na sajcie Rady.
Kaardynacyjnaja rada była stvoranaja 20 žniŭnia 2020 hoda pa inicyjatyvie Śviatłany Cichanoŭskaj z metaju pieraadoleńnia palityčnaha kryzisu i zabieśpiačeńnia zhody ŭ hramadstvie, a taksama dla abarony suvierenitetu i niezaležnaści Biełarusi.
U jaje składzie 116 čalcoŭ — 73 delehaty, 15 samavyłučencaŭ, 20 starych aktyŭnych čalcoŭ i 8 čałaviek za kratami.
«Naša Niva» — bastyjon biełaruščyny
PADTRYMAĆViadomyja ludzi, noŭnejmy i 10 čałaviek, čyje imiony nie nazyvajucca. Chto ŭvajšoŭ u abnoŭlenuju Kaardynacyjnuju radu
Kaardynacyjnaja rada voś užo piać miesiacaŭ «refarmujecca». Ale nasamreč joj bolš niama čaho rabić — mierkavańnie
«Vyznačyć efiektyŭnaść našaj dziejnaści składana». Kaardynacyjnaja rada vyrašała rearhanizavacca i vyraści da 115 čalcoŭ — dla čaho?
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno22
Kamientary