«Na asudžanych mohuć uździejničać zvonku». Siłaviki vučylisia dušyć bunt u kałonii
Heta čarhovy etap vučeńniaŭ MUS, jakija prachodziać pa ŭsioj krainie.
U adnoj z vypraŭlenčych kałonij unutranyja vojski i inšyja padraździaleńni vučylisia dušyć bunt źniavolenych.
Zaniatki prajšli ŭ prysutnaści ministra ŭnutranych spraŭ Ivana Kubrakova i kiraŭnikoŭ inšych siłavych viedamstvaŭ. MUS paviedamlaje, što dla vyrašeńnia zadačy była stvoranaja zvodnaja hrupoŭka z pradstaŭnikoŭ roznych padraździaleńniaŭ.
Kubrakoŭ zajaviŭ, što ŭ vučeńniach vykarystoŭvaŭsia ŭ tym liku dośvied Rasii, dzie ŭ kałonijach zachoplivali zakładnikaŭ i zabivali kanvairaŭ.
«Pamiatajem pra incydent u adnoj z kałonij u Rasii, dzie zahinuli pravaachoŭniki, i razumiejem, što na śviadomaść asudžanych, jakija adbyvajuć pakarańnie ŭ VK, mohuć pasprabavać uździejničać zvonku. I supracoŭniki Departamienta vykanańnia pakarańniaŭ, śpiecpadraździaleńniaŭ, unutranych vojskaŭ, pavinny być hatovyja dziejničać u hetych ustanovach pry buncie, zachopie zakładnikaŭ», — adznačyŭ Kubrakoŭ.
Miarkujučy ź videa MUS, siłaviki vučylisia ŭžyvać u tym liku ahniastrelnuju zbroju i vadamioty.
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary