Prapahanda hanarycca, što VUP chutka raście, a biełarusy stali žyć našmat bahaciej. Ale jość niuansy
Pierad vybarami 2025 hoda dziaržprapahanda aktyŭna prasoŭvaje naratyvy, što nibyta za apošni termin, što Łukašenka ŭtrymlivaje ŭładu, žyćcio biełarusaŭ stała lepšym. Niekatoryja pakazčyki ekanomiki staviać heta pad sumnieŭ.
Nakolki vyras VUP?
Prapahanda vychvalajecca tym, što druhi hod zapar tempy rostu ekanomiki Biełarusi pieraŭzychodziać siaredniesuśvietny ŭzrovień. Praŭda, zabyvajucca na toje, što heta rost na asnovie nizkaj bazy paśla spadu na 4,7% pa vynikach 2022 hoda.
Ahułam za apošnija 5 hadoŭ VUP Biełarusi vyras pryblizna na 6%. To-bok kali razhladać piacihadovy pieryjad, to VUP u Biełarusi raście vielmi ścipła. Asabliva ŭ paraŭnańni ź jeŭrapiejskimi susiedziami.
Za hety ž pieryjad VUP Litvy vyras na 15%, a VUP Polščy na 18%.
Biełarusy nikoli nie žyli lepiej, čym ciapier?
Inšym hałoŭnym dasiahnieńniem apošniaha terminu nazyvajuć rost realnych zarobkaŭ na 25,3% za hety pieryjad.
Siaredniaja naličanaja zarpłata za vierasień 2023 hoda (bolš śviežych danych pakul niama) skłała 2314 rubloŭ, što na toj momant było ekvivalentam 725 dalaraŭ. «Na ruki» heta kala $624.
U vieraśni 2019 hoda siaredniaja naličanaja zarpłata składała 1108 rubloŭ, abo $534 (dalar tady kaštavaŭ kala 2,08 rubla), heta kala $459 «čystymi».
Tamu zarpłata za hety pieryjad sapraŭdy vyrasła, pryčym jak u rublovym, tak i ŭ dalaravym vymiareńni.
Ale ciapierašnija zarobki z papraŭkaj na inflacyju dalara nie daciahvajuć da pakazčykaŭ 11-hadovaj daŭniny.
Pikavaja zarpłata była zafiksavanaja pa vynikach žniŭnia 2013 hoda — $622 «brudnymi», ci $535 paśla vyliku padatkaŭ.
Inflacyja dalara za 11 hadoŭ skłała 32,52%. Atrymlivajecca, dla taho kab zastacca na ŭzroŭni druhoj pałovy 2013 hoda, siaredniaja zarpłata ciapier mieła b być 709 dalaraŭ «na ruki».
U raniejšym kamientary «Našaj Nivie» na temu dasiahnieńniaŭ u ekanamičnym raźvićci ekśpiert «BEROC» Źmicier Kruk adznačaŭ, što ŭ 2012 hodzie ŭzrovień dabrabytu Biełarusi dasiahnuŭ kala 75% ad uzroŭniu susiednich krain ES — i hety byŭ pikavy pakazčyk. Paśla jon pačaŭ horšać i razryŭ pamiž našaj krainaj i Polščaj ź Litvoj tolki pavialičvajecca.
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ1
Kamientary