U Rasii 49-hadovy režysior zrabiŭ prapanovu 17-hadovaj aktrysie. Sacsietki aburylisia ich ramantyčnym FOTA
Režysioru Marku Harabcu daviałosia čakać, pakul jaho abrańnica stanie paŭnaletniaj.
U ruskamoŭnym siehmiencie sacsietak aktyŭna abmiarkoŭvajuć zaručyny 49-hadovaha režysiora Marka Harabca i 18-hadovaj akciorki Aleksandryny Alaksiuk. Piersanažy heta nie nadta viadomyja, ale šmat kaho aburyła ich zanadta vialikaja roźnica hadoŭ i toje, što dziaŭčyna vyhladaje jašče maładziejšaj za svoj viek — hadoŭ na 15.
«04.08.2024 ty skazała mnie «tak!». Ščaście, što ty jość, maja cudoŭnaja i kachanaja Aleksandryna. Budź ščaślivaja, a z astatnim my raźbiaromsia, maja pryncesa», — napisaŭ Harabiec u sacsietkach i apublikavaŭ zdymki z zaručalnym piarścionkam.
Zaŭvažym, što svajo 18-hodździe aktrysa adśviatkavała tolki praź niekalki miesiacaŭ paśla hetaha — 14 listapada.
Harabiec naradziŭsia ŭ Kijevie i pačynaŭ tam svaju karjeru. U 2009 hodzie pierajechaŭ u Maskvu. Viadomaść jamu prynios sieryjał «Zakrytaja škoła», režysioram jakoha z treciaha siezonu jon byŭ.
Choć pra zaručyny było paviedamlena na minułym tydni, para nie asabliva chavała svaich blizkich adnosin. Tak, Aleksandryna rehularna raźmiaščała na svajoj staroncy zdymki z Markam.
Miarkujučy na kamientarach, jakija pakidajuć karystalniki ŭ sacsietkach pary, nie ŭsie vierać u ščyraść pačućciaŭ dziaŭčyny. «Heta ž treba tak hrošy lubić», «Vyjšła zamuž pa kachańni… nu-nu», «A mama viedaje?», — pišuć kamientatary.
Inšyja krytykujuć režysiora: «Pachnie niejkim vyčvarenstvam, «Niejki žach», «Hospadzie, na pieršym fota prosta tata z dačkoj, kašmar niejki».
Paviedamlajecca, što adnosiny pamiž Aleksandrynaj i Markam pačalisia ŭ čas zdymkaŭ filma «Tur ź Ivanuškami», režysioram jakoha źjaŭlajecca Harabiec.
Kali para aženicca, to heta budzie čaćviorty šlub režysiora. Jon užo dva razy byŭ žanaty na aktrysach. Tak u 2009 hodzie Harabiec pabraŭsia ź Śviatłanaj Uścinavaj, jakaja była małodšaj za jaho na 7 hadoŭ. Razam jany pražyli čatyry hady.
U 2018 hodzie Mark aficyjna aformiŭ adnosiny z Maryjaj Šerstabitavaj, jakaja ŭ 2017 hodzie debiutavała ŭ jaho filmie «Vialikija hrošy». Ź joj u režysiora roźnica składała 14 hadoŭ.
Ad hetych dźviuch žonak u Harabca nie było dziaciej. Ale jon maje dačku, jakaja naradziłasia ŭ 2005 hodzie ŭ pieršym šlubie z žančynaj Julijaj. Jak doŭha praciahvaŭsia toj šlub, nieviadoma. Paviedamlajecca, što Julija Harabiec pamierła ŭ 2017 hodzie.
Stała viadomaj samaja častaja pryčyna razvodaŭ u Biełarusi. I heta nie zdrada
Hrodzienskaja hazieta źniała kryndžovuju rekłamu i paraŭnała vybary z hvałtoŭnym šlubam VIDEA
Ksienija Lebiedzieva treci raz vyjšła zamuž. Za kaho? FOTY
Uziała fiktyŭny šlub dziela navuki: historyja hienijalnaha matematyka Sofji Kavaleŭskaj
«Maja pamyłka, što zapisvaju videa». Čym skončylisia rezanansnyja zvaroty da Łukašenki?8
Kamientary