Hramadstva1717

Stała viadoma pra śmierć dzieda Koli Łukašenki — byłoha viaźnia HUŁAHa, asudžanaha za dapamohu «banderaŭcam»

Ściapan Pastajałka pajšoŭ z žyćcia va ŭzroście 90 hadoŭ — bieź niekrałohaŭ i hanarovaj varty. Ale pachavali jaho pobač ź dziaržaŭnymi dziejačami i zorkami biełaruskaj kultury.

Ściapan Pastajałka. Na zadnim fonie Iryna Abielskaja i Kola Łukašenka. Kałaž «NN»

Ściapan Pastajałka — dzied Koli Łukašenki, baćka Iryny Abielskaj i, adpaviedna, nieaficyjny cieść Alaksandra Łukašenki. Hety čałaviek pražyŭ doŭhaje i niezvyčajnaje žyćcio. Junactva jon pravioŭ u HUŁAHu jak palityčny źniavoleny, paśla śmierci Iosifa Stalina daterminova vyjšaŭ na svabodu, a apošnija hady dažyvaŭ u statusie člena siamji kiraŭnika Biełarusi.

Jak vyśvietliłasia, 90-hadovy Ściapan Pastajałka pamior jašče hod tamu, 14 listapada 2023 hoda. Jaho pachavali na prestyžnych Uschodnich (Maskoŭskich) mohiłkach Minska, ale biez hučnych cyrymonij i niekrałohaŭ u dziaržaŭnych ŚMI.

Mahiła Ściapana Pastajałki, fota Pomnim.online

Pastajałka znajšoŭ svoj spačyn na vip-alei mohiłak. Asobna ad žonki, zatoje pobač ź ministram zamiežnych spraŭ Biełarusi Uładzimiram Makiejem, a taksama kiraŭnikami BSSR Jafremam Sakałovym i Anatolem Małafiejevym.

Mahiła Ściapana Pastajałki pakul apošniaja ŭ šerahu. Za 2024 hod ludziej jaho ranhu ŭ Biełarusi nie pamirała

Ściapan Pastajałka naradziŭsia 25 maja 1933 hoda ŭ vioscy Batareja Biarozaŭskaha rajona. U 1952 hodzie razam z baćkami i dvuma bratami byŭ aryštavany za dapamohu ŭkrainskamu padpollu. Aficyjnaje abvinavačvańnie — «zdrada radzimie» i «kontrrevalucyjnyja dziejańni». Prysud — 25 hadoŭ źniavoleńnia. Ściapan adbyvaŭ pakarańnie ŭ rasijskim Narylsku, vyjšaŭ na svabodu pa amnistyi ŭ 1956 hodzie. Reabilitavany ŭ 1992 hodzie.

Ściapan viarnuŭsia ŭ Biełaruś adrazu paśla vyzvaleńnia. Pasialiŭsia ŭ Breście, pačaŭ pracavać na «Brestenierha», dzie ź ciaham času dasłužyŭsia da kiraŭničych pasad. U žonki ŭziaŭ Ludmiłu, studentku-miedyka ź vioski na ŭkrainskaj Pałtaŭščynie. Jana ŭ 1990-ja ŭźniałasia da pasady hałoŭnaha doktara Bresckaj dziciačaj abłasnoj balnicy.

Dačka Ściapana i Ludmiły Pastajałak, Iryna Abielskaja, stała asabistaj doktarkaj Alaksandra Łukašenki, što, naturalna, adbiłasia na losie siamji. Svaju novuju nieaficyjnuju ciešču, Ludmiłu Pastajałka, Łukašenka pryznačyŭ ministram achovy zdaroŭja (2002-2005). Kali ž jaje zdaroŭje pahoršała praz ankałohiju, to pastaviŭ sienataram u Saviet respubliki (2004-2007). Ludmiła Pastajałka pamierła ŭ 2007 hodzie i była pachavana na tych ža Uschodnich (Maskoŭskich) mohiłkach.

Muž pieražyŭ jaje na 16 hadoŭ. Nieviadoma, čym zajmaŭsia Ściapan Pastajałka apošnija hady žyćcia. Jon nikoli nie zhadvaŭsia ŭ dziaržaŭnaj presie, nie rabiŭ nijakich zajavaŭ, jaho minułaje nie afišavałasia.

Dzied Koli Łukašenki atrymaŭ va ŭłasnaść vielizarnyja apartamienty — bolš za 130 mietraŭ — u elitnym domie na vulicy Čechava ŭ Minsku. Ci žyŭ jon tam, ci jaho zabrali dahladać u rezidencyju Łukašenki, nieviadoma.

Kamientary17

  • Brest
    22.11.2024
    A kiraŭnika dziaržavy, Šuškieviča, tam nie dali pachavać.
  • Abarmot
    22.11.2024
    nu choť nie vidit, kak vnuk pozoritsia
  • Nie hienacydu šmatnacyjanalnaha biełnarodu
    22.11.2024
    Łuku i z žančynaj paciahnuła u ukrainski bok. To-ta u jaho z maładości osełedeć na hałavie začasany.

Biełaruskaje telebačańnie 90-ch: uzhadvajem jarkija prajekty i papularnych viadučych

Biełaruskaje telebačańnie 90-ch: uzhadvajem jarkija prajekty i papularnych viadučych

Usie naviny →
Usie naviny

Pad Minskam učastak ź niedabudam pradali za 302 000 rubloŭ. Na aŭkcyjonie razharnułasia sapraŭdnaja baraćba4

Pravaabaroncy raskazali pra zamiežnikaŭ u biełaruskich turmach

Biełaruska pastaviła impłant u ruku dla kantracepcyi. Što heta takoje?16

Vyrablenaja vintoŭka imia Maryi Zajcavaj2

U Fiładelfii raźbiŭsia samalot sanitarnaj avijacyi. Zahinuli šeść čałaviek2

Tramp zajaviŭ, što jany z Pucinym mohuć zrabić niešta «značnaje» dla spynieńnia vajny Rasii va Ukrainie16

Były kamandzir Pałka Kalinoŭskaha Dzianis «Kit» Procharaŭ raskazvaje, čym ciapier zajmajecca52

Navukoviec z Homiela vykryŭ maštabnuju falsifikacyju vynikaŭ pierapisu ŭ Biełarusi. Ale jość niuans24

Biełarus paŭhoda «inviestavaŭ» hrošy machlaram i straciŭ 120 tysiač rubloŭ1

bolš čytanych navin
bolš łajkanych navin

Biełaruskaje telebačańnie 90-ch: uzhadvajem jarkija prajekty i papularnych viadučych

Biełaruskaje telebačańnie 90-ch: uzhadvajem jarkija prajekty i papularnych viadučych

Hałoŭnaje
Usie naviny →

Zaŭvaha:

 

 

 

 

Zakryć Paviedamić