«Adkryć vizu praz ahienctva — 500 jeŭra, źjeździć u tur — 570 jeŭra». Jakija varyjanty dajuć harantyju atrymańnia šenhienskaj vizy?
Kali vybirać aŭtobusny tur u Jeŭropu, možna znajści varyjanty, jakija dazvolać pad heta zrabić sabie šenhienskuju vizu. Praŭda, časta zapisvacca na takuju pajezdku (i apłačvać tur) prychodzicca za paŭhoda. Zatoje atrymańnie vizy vyhladaje harantavanym. Onliner daviedaŭsia ŭ tych, chto skarystaŭsia hetaj opcyjaj, pra plusy i padvodnyja kamiani.
Va ŭsich historyjach havorka budzie iści pra šenhienskija, a nie nacyjanalnyja vizy, ale dla zručnaści jany buduć nazyvacca pa krainie, jakaja vydała šenhien. Kožnaj hieraini sama viza abyšłasia roŭna ŭ 35 jeŭra, a ŭ padarožžach usie jany pabyvali na praciahu apošnich dvuch miesiacaŭ.
Darja, vienhierskaja viza
«Za apošnija paŭtara hoda ja adkryvała šenhien trojčy. Z hetaha možna zrabić vysnovu, što ŭdača była nie na maim baku. Choć tyja, chto atrymlivaŭ admovu, sa mnoj dakładna nie pahodziacca.
Karotkaja historyja vizavych pieramoh u pašparcie vyhladała tak: dva hrečaskija «multyki» na dva tydni i italjanskaja «adnarazovaja», zatoje na try!
Pierśpiektyva čarhovaha biaskoncaha «nakłacvańnia» zapisu na samastojnuju padaču i zboru dakumientaŭ prymušała voka zahadzia patorhvacca. Tamu ja vyrašyła pašukać alternatyŭnyja varyjanty.
Siabry šakavali historyjami, što tolki zapis u italjanskaje pasolstva ŭ ahienctvaŭ kaštuje 300 jeŭra. A vynik — viza na niekalki miesiacaŭ. I ja padumała, što možna trochi dadać i za hetyja hrošy ŭžo pajechać u tur. Zaadno i na padaču zapišuć, i z afarmleńniem dakumientaŭ dapamohuć.
Ja adnošusia da tych ludziej, jakich časam iranična nazyvajuć kalekcyjanierami krain. Tak, mnie pryncypova byvać u novych miescach. A pakolki šmat kudy ja ŭžo paśpieła źjeździć, vybar kirunkaŭ byŭ nievialiki.
Ja razhladała tur Italija — Francyja — Manaka, dla jakoha vizu pavinna było adkryvać pasolstva Francyi. Pra jaho łajalnaść jakraz chadzili lehiendy. Ale hrafik turaŭ nie supaŭ z maim. A potym ja natknułasia na pajezdku Hiermanija — Šviejcaryja — Čechija.
Vyrašyć los maich budučych padarožžaŭ pavinny byli pradstaŭniki Vienhryi. U niekalkich turfirmach mnie admovili: maŭlaŭ, usie słoty ŭžo zaniatyja. A ŭ adnoj paćvierdzili: zapavietnyja miescy jašče jość. Heta było za paŭtara miesiaca da pačatku tura. Jak ja paźniej daviedałasia, nastolki pozna zapisacca na tur z padačaj na vizu praktyčna niemahčyma.
Nas adrazu papiaredzili, što jość vierahodnaść padavacca praz ambasadu i praź vizavy centr — praź vizavy centr značna daražej. Ale tut užo jak pašancuje, paŭpłyvać na heta było nielha. Nam pašancavała: na padaču nas zapisali ŭ ambasadu, i viza kaštavała ŭsiaho 35 jeŭra, a nie ŭ 10 razoŭ daražej.
Padavać dakumienty treba było asabista. Pryčyna — zdača bijamietryčnych źviestak, ale prychodzić treba było ŭsim, navat tym, chto ŭžo zdavaŭ «palčyki». Ź dziŭnaha — patrebna była tolki daviedka z pracy, a vypisku z rachunku brać nie spatrebiłasia.
Razhladali dakumienty dva tydni. U maim pašparcie akazałasia viza na hod. Nie viedaju, ci paŭpłyvała heta na što-niebudź, ale na ŭsialaki vypadak ja prykłała hadavy litoŭski šenhien z papiaredniaha pašparta, jaki skončyŭsia jašče ŭ 2020-m. Majoj siabroŭcy adkryli vizu na try tydni. Ale jaje vizavaja historyja była karotkaj: niavykarystany litoŭski šenhien na try miesiacy, datavany 2019 hodam.
Jak my paźniej vyśvietlili, mnohija inšyja turysty taksama vyrašyli adpravicca ŭ hetuju pajezdku jakraz dziela adkryćcia vizy. Vynik byŭ samy rozny: ad vizy tolki na daty tura da dvuch hadoŭ. Ale heta ŭ tych, u kaho ŭžo byli takija praciahłyja vizy ŭ pašparcie. Mahčyma, kamuści adkryli i na piać hadoŭ, sacapytańnie pa ŭsim aŭtobusie ja nie pravodziła. Ale ad znajomych pra takija lehiendarnyja vienhierskija vizy ja čuła.
Tur adbyŭsia ŭ kancy listapada. Kaštavaŭ jon bolš za 500 jeŭra, ale heta ž Šviejcaryja. Choć, kali razvažać, jakija tannyja kvitki možna było b znajści samastojna… Ale heta ŭžo zusim inšaja historyja. Prynamsi jość mahčymaść jeździć u bolš biudžetnyja samastojnyja padarožžy ŭ bližejšy hod. Tak što ja na 100% zadavolenaja, što ŭdałosia zajmieć vizu takim sposabam».
Maršrut: Niurnbierh — Ciurych — Ženieva — Biern — Praha. Košt tura: 560 jeŭra + dapłaty. Termin vizy: 1 hod.
Nastaśsia, francuzskaja viza
«Tur na apošnija dni kastryčnika my braniravali ŭ pačatku krasavika — heta byli samyja rannija daty mienavita z mahčymaściu padačy na vizu. Heta značyć, navat pry samym vialikim žadańni na leta miescaŭ užo nie było. Broń na padaču ŭ ambasadu dasłali ŭ pačatku červienia.
My vybrali aŭtobusny tur Bierlin — Amsterdam — Brusiel — Paryž — Luksiemburh. Metaj było ŭ tym liku atrymańnie vizy dla dalejšych padarožžaŭ.
Kali pačali razhladać varyjanty, akazałasia, što zrabić vizu praz ahienctva kaštuje kala 500 jeŭra, a źjeździć u tur — 570 jeŭra. Da taho ž padkupiła padača praz ambasadu. Pa čutkach (ale ja ŭ heta vieru), tam dajuć šmatrazovyja vizy čaściej, čym u vizavych centrach.
Asabista ŭ mianie da hetaha była adnarazovaja vienhierskaja viza, jakuju ja atrymała vosieńniu 2022 hoda. U chłopcaŭ u kampanii sa mnoj byli jak čystyja pašparty, tak i ź vizami — usim dali «multyk» na šeść miesiacaŭ.
Usie dakumienty rychtavała turahienctva. Ja zrabiła tolki daviedku z pracy, vypisku z banka i fatahrafii. U tury było 34 čałavieki, pałova padavałasia ŭ adzin dzień, druhaja — u inšy. U našaj hrupie ŭsim dali vizu na šeść miesiacaŭ, u inšaj — usim na hod. Znoŭ ža, pa čutkach, Francyja redka daje «adnarazoviki», zvyčajna heta vizy na paŭhoda-hod navat u čystyja pašparty.
My ŭžo płanujem nastupnuju pajezdku paśla zakančeńnia biahučaj vizy. Padavacca praz tur — samy prosty i biesprablemny sposab: adekvatnaja cana, mahčymaść pahladzieć kuču haradoŭ i nijakich hałaŭnych bolaŭ z dakumientami, usio robiać za ciabie. Śpiecyjalna zachoŭvali ŭsie kvitočki jak paćviardžeńnie pajezdki, kab potym znoŭ padacca na francuzskuju vizu i atrymać bolš praciahłuju vizu. Kaštavaŭ tur 570 jeŭra, plus 35 jeŭra za vizu i 7 jeŭra za strachoŭku.
Nam pašancavała z chutkim prachodžańniem miažy, tamu jašče paśpieli zajechać u Poznań. Heta kaštavała kala 15 jeŭra. Astatnija dapłaty byli nie abaviazkovyja.
Ciapier jany krychu źmianili prahramu i nie jeduć u Brusel, a naviedvajuć horad u Niderłandach. Ale ŭ cełym tur supier, nie ličačy taho, što ŭsio vielmi chutka: pierajezdy amal kožny dzień».
Maršrut: Bierlin — Amsterdam — Brusiel — Paryž — Luksiemburh. Košt tura: 570 jeŭra. Termin vizy: 6 miesiacaŭ.
Volha i Nastaśsia, italjanskaja viza
Dziaŭčaty jeździli ŭ roznyja pajezdki, ale ich historyi davoli mocna pierahukajucca adna z adnoj. Kožnuju raskažam pa čarzie.
Volha jeździła ŭ tur u druhoj pałovie listapada. Maršrut: Viena — Vieniecyja — Rym — Fłarencyja — Zalcburh. Pryciahnuła dziaŭčynu toje, što ni ŭ adnym z hetych haradoŭ jana nie była, a cana zdałasia całkam adekvatnaj: 460 jeŭra za prajezd, načoŭki ŭ hatelach, śniadanki i častkova ahladnyja ekskursii pa horadzie.
Plus Volha raźličvała, što zmoža adkryć šenhien na try ci šeść miesiacaŭ. Choć vizavaj historyi za apošnija piać hadoŭ nie było: apošni šenhien skončyŭsia ŭ 2018 hodzie. Na žal, u pasolstvie Italii ŭ Minsku joj adkryli adnarazovuju vizu na 10 dzion pad daty pajezdki.
«Ad znajomych čuła, što padača ŭ italjanskaje pasolstva pad kluč (zapis, farmiravańnie pakieta dakumientaŭ) kaštavała kala 300 jeŭra. Z majoj hrupy viedaju tolki adzin vypadak: dziaŭčynie ŭ čysty pašpart adkryli multyvizu, ale taksama na 10 dzion.
Płanuju praź niejki čas znoŭ padać dakumienty ŭ italjanskaje pasolstva. Šancy na multyvizu ciapier vyšejšyja, bo ŭ mianie jość dokazy naviedvańnia Italii. Miarkujučy pa infarmacyi ŭ čatach, paśla adnarazovaj mohuć dać vizu na try miesiacy».
Maršrut: Viena — Vieniecyja — Rym — Fłarencyja — Zalcburh. Košt tura: 460 jeŭra. Termin vizy: 10 dzion.
Nastaśsia pabyvała ŭ Italii ŭ pačatku listapada. Sumiesnuju pajezdku prapanavali baćki, bo ŭžo jeździli ad hetaj turfirmy, a ŭ jaje dziejničaje sistema źnižak dla pastajannych klijentaŭ.
«Tur byŭ pryvabny tym, što ŭ im vyrazna paznačałasia: jon padychodzić i dla turystaŭ ź dziejnym šenhienam, i dla tych, u kaho vizy niama. Abiacali ŭziać usie kłopaty z adkryćciom na siabie.
U mianie ŭ hetym pašparcie viz nie było — varyjant vydatny. Ale pry hetym stajała vyraznaja data apošniaha terminu padačy dla tych, u kaho niama vizy: 21 lipienia.
Pry hetym asabistaja padača była tolki ŭ listapadzie. U aŭtorak padača, u piatnicu vyjezd. Ale ŭsio paśpieli zrabić za try dni. Chto chacieŭ, moh zabrać dakumienty adrazu ŭ pasolstvie, astatnim pašparty razdavali ŭ aŭtobusie. Baćki Nastaśsi aformili tur raniej, tamu i ŭ pasolstvie apynulisia nie ŭ apošnija dni pierad vyjezdam.
Sama pajezdka doŭžyłasia vosiem dzion. Dziaŭčynie pastavili razavuju vizu na miesiac u pusty pašpart. Baćkam pa hetaj ža pucioŭcy ź vialikaj kolkaściu viz u pašparcie adkryli «multyk» na try miesiacy. Ale inšym turystam z aŭtobusa adkryvali i na dva hady.
Kaštavaŭ tur krychu bolš za 320 jeŭra plus abaviazkovaja dapłata 99 jeŭra: haradskija padatki i pasłuhi hida na ŭsim šlachu ruchu. Uvachodnyja kvitki ŭ muziei treba było apłačvać asobna».
Maršrut: Praha — Vierona — Rym — Vatykan — Piza — Fłarencyja — Vieniecyja z vyjezdam praź Vilniu. Košt tura: 320 jeŭra + 99 jeŭra. Termin vizy: 1 miesiac.
A na jaki tur možna zapisacca prosta ciapier?
Onliner vyrašyŭ vyśvietlić, na jaki tur pry ŭmovie adkryćcia vizy možna zapisacca prosta ciapier, i pad vyhladam patencyjnych padarožnikaŭ patelefanavaŭ u niekalki minskich turfirmaŭ.
«Samy nadziejny varyjant — heta Francyja. Zvyčajna staviać nie mienš čym na paŭhoda. Da kanca hetaha tydnia jašče možna zapisacca na pajezdku 11 lutaha, z nastupnaha — na 3 sakavika.
Što tyčycca Italii, to jość miescy navat na studzień. Kali ŭžo była italjanskaja viza, niadrennyja šancy na «šmatrazovik». Ale nijakich harantyj.
Vienhryja — heta łatareja: staviać jak na daty pajezdki, tak i na niekalki hadoŭ. Kankretna skazać, kali budzie padača, kali zapisacca ciapier, my nie možam. Ale na hetym tydni byŭ vypadak: turysty kupili tur u paniadziełak, a ŭ čaćvier užo pajšli padavacca na vizu», — raskazali ŭ «Pieršaj turystyčnaj kampanii».
Francyja, Italija i Vienhryja — try asnoŭnyja «pastaŭščyki» vizaŭ pad aŭtobusnyja tury, navat kali asnoŭnaj krainaj pa maršrucie budzie Čechija, Šviejcaryja abo Hiermanija. Harantyja taho, što vizu pad tur adkryjuć, praktyčna 100%. A voś na kolki — pytańnie, heta mocna zaležyć ad udačy.
«Amierykancy hatovyja mianiać pazicyju pa vizach» — Franak Viačorka
Polšča turystyčnyja vizy redka adkryvaje, u Italii zapis praź miesiac. Jak ciapier biełarusam adkryć vizu ŭ Jeŭropu
«Kolkaść admoŭ hramadzianam, jakija nie majuć karty palaka, vielmi vialikaja». Jakija šancy ciapier u biełarusaŭ zdabyć šenhienskuju vizu?
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary