Polski prajazny dakumient paćviardžaje asobu inšaziemca — MUS Polščy
Kiraŭnica adździeła pravavoj dapamohi Centra biełaruskaj salidarnaści ŭ Varšavie Volha Dabravolskaja atrymała aficyjnuju interpretacyju ad MUS Polščy adnosna taho, čym źjaŭlajecca polski prajazny dakumient dla inšaziemcaŭ.
Pavodle interpretacyi polskaha Ministerstva ŭnutranych spraŭ, hety dakumient źjaŭlajecca ekvivalentam pašparta, vydadzienaha polskim hramadzianam. Jon moža słužyć nie tolki dla pierasiačeńnia miažy, ale i dla paćviardžeńnia asoby jaho ŭładalnika.
Taksama ŭ svajoj interpretacyi MUS adznačyła, što pry padačy zajavy na časovy abo pastajanny dazvoł na žycharstva, a taksama dazvoł na žycharstva doŭhaterminovaha rezidenta ES inšaziemiec moža padavać dziejny polski prajazny dakumient, kali ŭ jaho niama mahčymaści padavać svoj biełaruski pašpart ci inšy prajazny dakumient.
Takim čynam, biełarusy zmohuć karystacca polskim prajaznym dakumientam u jakaści dakumienta, jaki paćviardžaje ich asobu:
- u administracyjnych orhanach;
- u bankach;
- pry pierasiačeńni miažy;
- u inšych vypadkach, kali nieabchodna zaśviedčyć ich asobu.
Hetaja interpretacyja moža stać važnym arhumientam u sprečnych situacyjach i maje istotnaje značeńnie dla hramadzian Biełarusi ŭ Polščy. Asablivuju aktualnaść hetaje pytańnie nabyło paśla taho, jak Łukašenka pazbaviŭ biełarusaŭ za miažoj mahčymaści zamianiać praterminavanyja dakumienty bieź nieabchodnaści pryjezdu ŭ Biełaruś.
Bolš za 58 tysiač biełarusaŭ užo paviedamili, što majuć dakumienty zamiežnych dziaržaŭ — MUS
«Pahladzieŭ kartu pad svajoj lampaj mahičnaj i pažadaŭ ščaślivaj darohi». Ci sapraŭdy pamiežniki nie vypuskajuć ź Biełarusi, kali čałaviek nie paviedamiŭ pra zamiežny DNŽ?
Najaŭnaść u biełarusaŭ «karty palaka» ciapier nie buduć paznačać na vizie
«Maje siły skončylisia»: Valaryna Kustava raskazała, čamu źbiraje na dapamohu svajoj siamji22
Kamientary