Viktar viadzie błohi ŭ tyktoku i jutubie, dzie možna hladzieć, jak u jaho raście hety harbuz i inšaja harodnina. Smakam, jak kaža Dziamieška, jahonyja harbuzy ničym nie adroźnivajucca ad zvyčajnych, a ich sakret u hatunku — «Atłantyčny hihant». Taki harbuz moža dadavać pa 50 kiłahramaŭ na tydzień.

14 kastryčnika 2023 hoda Viktar Dziamieška źniaŭ čarhovy rolik, u jakim pakazaŭ, jaki harbuz ciapier vializny i źviarnuŭsia da ŭładaŭ ź niezvyčajnaj prośbaj.

«Heta zvarot da kiraŭnictva horada Bresta. Kali jość takaja mahčymaść, kab harbuz pieravieźli na kirmaš i pakazali ŭsim žycharam Bresta. Tym bolš, u 2018 hodzie my ŭžo heta rabili», — skazaŭ Viktar.

Ciažkaści ŭ tym, što dla pieravozu harbuza vahoj u paŭtony vidavočna spatrebicca kran. Zatoje, maŭlaŭ, jaki ekspanat budzie na kirmašy, kolki sełfi zrobiać haradžanie z samym vialikim harbuzom Bresta.

U kamientarach ludzi dziviacca z pamieru, nie vierać, što jon vyraščany biez chimii. A niekatoryja prosiać «choć piać siemak». Inšyja aharodniki kažuć, što ŭ ich samyja bujnyja 15-30 kiłahramaŭ.

Tak harbuz-cud vyhladaŭ miesiac tamu, 18 vieraśnia

Nasamreč hihanckija harbuzy byvajuć jašče bolšymi. Naprykład, harbuz amierykanskaha fiermiera ź Miniesoty Trevisa Hinhiera trapiŭ u Knihu rekordaŭ Hiniesa, jaho vaha skłała 1246 kiłahramaŭ.

Čytajcie taksama:

«Heta, naturalna, nie supierfud». Čym karysnaja i škodnaja bulba i jak časta jaje jeści?

«Nie, heta nie ź Italii». Biełarusy pabudavali fiermu mary i zanialisia niezvyčajnaj harodninaj

Pierajechali z Aŭstryi ŭ Biełaruś, kab adkryć kazinuju fiermu

Клас
4
Панылы сорам
0
Ха-ха
1
Ого
3
Сумна
0
Абуральна
1