Pad Maskvoj rasstralali vysokapastaŭlenaha aficera HRU — jon tolki viarnuŭsia z vajny va Ukrainie
44-hadovy Mikita Klankoŭ byŭ namieśnikam kamandzira centra padrychtoŭki śpiecnaza.
U vioscy Mielenki Maskoŭskaj vobłaści nieviadomy rasstralaŭ 44-hadovaha Mikitu Klankova — namieśnika kamandzira centra padrychtoŭki Sił śpiecapieracyj US RF i ŭdzielnika vajny suprać Ukrainy.
Zabity pałkoŭnik, pavodle źviestak rasijskich ŚMI, tydzień tamu viarnuŭsia z vajny. Klankova rasstralali ŭ jahonym aŭtamabili. Siłaviki ličać, što strałok moh pryjści ŭ viosku pieššu praź les. Viersiju pra toje, što za mašynaj Klankova hnaŭsia inšy aŭtamabil, śledčyja adkinuli, piša Mash.
Klankoŭ słužyŭ namieśnikam kamandzira ŭ v/č 43292 — heta centr padrychtoŭki Sił śpiecapieracyj. Jon byŭ vysokapastaŭlenym aficeram Hałoŭnaha raźviedvalnaha ŭpraŭleńnia, daviedalisia «Važnyje istorii».
Akramia taho, zhodna z hieałakacyjnymi danymi ŭciečak, Klankoŭ zakazvaŭ dastaŭku ježy ŭ štab-kvateru HRU, a taksama naviedvaŭ palikliniku kala budynka HRU.
Jon vałodaŭ aŭtamabilem Hyundai Palisade — u aŭtamabili takoj ža samaj madeli jaho rasstralali, vynikaje ź videa, apublikavanaha SK. Taksama jon źjaŭlajecca ŭładalnikam Mercedes Benz E300, pazadarožnika Hummer H3 i Ford.
Kamientary