«Pasyłka nie moža być dastaŭlena». U machlaroŭ novy mietad — jany pradstaŭlajucca poštaj
Nieviadomyja prapanujuć aktualizavać źviestki pa fišynhavaj spasyłcy.
Ašukancy ŭ Biełarusi pačali vykarystoŭvać novy mietad padmanu. Jany rassyłajuć paviedamleńni ad imia pošty z prośbaj aktualizavać źviestki dla dastaŭki pasyłki.
U paviedamleńni havorycca, što pošta nie moža dastavić pasyłku, tamu što adras nieaktualny. Čałavieku prapanujecca prajści pa spasyłcy i ŭvieści asabistyja dadzienyja dla dastaŭki.
U milicyi nahadali, što sapraŭdnaja pošta nakiroŭvaje klijentam paviedamleńni pra pastupleńnie paštovych adpraŭleńniaŭ tolki infarmacyjnaha charaktaru.
Rassyłka paviedamleńniaŭ, jakija pakazvajuć na nieabchodnaść apłaty paštovych pasłuh pa spasyłcy ŭ režymie anłajn z nastupnym uvodam danych bankaŭskich płaciežnych kart, nie ažyćciaŭlajecca.
Kamientary