Uzbrojenyja ciły Biełarusi hatovyja pieraniać najbahaciejšy dośvied PVK «Vahnier» — Minabarony
Pamočnik ministra abarony Biełarusi Leanid Kasinski taksama raskazaŭ, čamu mohuć navučycca bajcy PVK u biełaruskaj armii.
Uzbrojenyja siły Biełarusi hatovyja pieraniać najbahaciejšy dośvied PVK «Vahnier». Pra heta zamiežnym žurnalistam zajaviŭ pamočnik ministra abarony pa ideałahičnaj pracy va Uzbrojenych siłach — načalnik Hałoŭnaha ŭpraŭleńnia ideałahičnaj raboty Minabarony Leanid Kasinski, jak paviedamlaje BiełTA.
«My hatovyja i z zadavalnieńniem piarojmiem najbahaciejšy dośvied viadzieńnia bajavych dziejańniaŭ i taktyčnyja pryjomy. Hety dośvied my z zadavalnieńniem prymiem na ŭzbrajeńnie ŭ biełaruskim vojsku», — skazaŭ Leanid Kasinski, adkazvajučy na pytańnie žurnalista, jak Uzbrojenym siłam Biełarusi moža spatrebicca dośvied PVK «Vahnier».
Leanid Kasinski taksama dadaŭ, čamu mohuć navučycca bajcy PVK va Uzbrojenych sił Biełarusi. «Vučycca treba zaŭsiody. Kali źviarnucca da historyi, to adzin z savieckich vojenačalnikaŭ kazaŭ, što vajna — heta ekzamien dla kožnaha vajskoŭca. Da jaho treba rychtavacca ŭsio žyćcio, ale hety ekzamien, moža być, i nie pryjdziecca zdavać. I luby vajskoviec pavinien vučycca, pierajmać dośvied u svaich vorahaŭ i siabroŭ. I z hetaha dośviedu treba rabić vysnovy, kab usio najlepšaje ŭziać sabie na ŭzbrajeńnie», — padkreśliŭ jon.
***
Paśla miaciažu «vahnieraŭcaŭ», jaki pačaŭsia ŭviečary 23 červienia i jaki ŭviečary nastupnaha dnia Pryhožyn sam vyrašyŭ spynić, Pucin prapavanaŭ jamu i najmitam pierajechać u Biełaruś. Pieramovy z Pryhožynym pra «pieramirje» vioŭ tady ŭ tym liku Łukašenka.
U kancy červienia pad Asipovičami pačali adnaŭlać zakinuty vajskovy haradok i stavić tam pałatki. Mierkavałasia, što tudy mohuć pierajechać «vahnieraŭcy».
Prabiełaruskija łukašysty jadnajucca suprać prarasijskich4
Prabiełaruskija łukašysty jadnajucca suprać prarasijskich
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary