«Režymy zaŭsiody padajucca najbolš stabilnymi pierad svaim padzieńniem». Radasłaŭ Sikorski padbadzioryŭ biełarusaŭ
18 vieraśnia ministr zamiežnych spraŭ Polščy Radasłaŭ Sikorski ŭručaŭ u Varšavie Premiju salidarnaści imia Lecha Vałensy biełaruskamu palityku Paŭłu Łatušku. Pry hetaj nahodzie «Radyjo Svaboda» zadało jamu pytańnie, jak biełarusam nie tracić nadziei ŭ časy, kali represii ŭ krainie nie spyniajucca ŭžo niekalki hadoŭ, a tysiačy ludziej pryznanyja palitviaźniami ci źjechali z krainy.
«Ja sam kaliści byŭ palityčnym uciekačom…, — skazaŭ Sikorski. — Siońnia na cyrymonii ŭručeńnia Premii salidarnaści ŭ zale było šmat hierojaŭ baraćby z kamunizmam u Polščy, jakija ŭ 1980-ja hady ŭ Polščy byli internavanyja i źmieščanyja ŭ turmy kamunistyčnym režymam.
U siaredzinie 80-ch zdavałasia, što sprava bieznadziejnaja, a praz 4 hady my ŭbačyli svabodnuju Polšču. Režymy zaŭsiody padajucca najbolš stabilnymi pierad svaim padzieńniem».
Na pytańnie, ci ličyć jon, što da źmienaŭ u Biełarusi pryviaduć źmieny ŭ Rasii, Sikorski adkazaŭ:
«Heta, viadoma ž, dapamahło b. Uzhadvajecca, jak Biełaruś atrymała niezaležnaść, kali raspaŭsia Saviecki Sajuz. Ja spadziajusia, što kali Ukraina vyjhraje abarončuju vajnu z Rasijaj, to źmieny adbuducca nie tolki ŭ Rasii, ale i ŭ Biełarusi».
Polskaja premija salidarnaści imia Lecha Vałensy, jakuju siońnia Sikorski ŭručyŭ Paŭłu Łatušku, prysudžajecca MZS Polščy za vydatnyja zasłuhi ŭ prasoŭvańni i abaronie demakratyi i hramadzianskich svabod.
Bort Łukašenki z-za techničnych prablem viarnuŭsia ŭ Minsk bieź jaho16
Kamientary
A jaščie adzin susied " dabrazyčliviec" Biełarusi Nausieda rabiŭ by kaŕjeru u kpss u jakuju " ustupił" u 1988.
Kałaps kiravańnia na rf hałoŭny čyńnik źmien u rB i Šaniec dźla Biełarusi