Žurnalisty siońnia na pres-kanfierencyi spytali Alaksandra Łukašenku pra los vahnieraŭcaŭ i Pryhožyna, jakija pavinny byli źjechać u Biełaruś.
Łukašenka adkazaŭ, što PVK «Vahnier» — heta rasijskaja kampanija, tamu pytańnie nie da jaho.
«Nakolki ja infarmavany, bajcy znachodziacca ŭ svaich łahierach. Što tyčycca Pryhožyna, to jon znachodzicca ŭ Piciery. Na terytoryi Biełarusi jaho niama», — adkazaŭ Łukašenka.
Ale, pa jaho słovach, jon nie bačyć ryzyk dla Biełarusi, kali bajcy PVK buduć raźmieščany ŭ krainie. Na jaho dumku, PVK «Vahnier» u Biełarusi moža być zadziejničana dla abarony krainy.
«Mianie absalutna nie chvaluje i nie turbuje, što ŭ nas budzie raźmieščana peŭnaja kolkaść hetych bajcoŭ. Bolš za toje, jany buduć raźmieščany pad peŭnyja ŭmovy. Hałoŭnaja ŭmova: kali nam treba budzie zadziejničać hetaje padraździaleńnie dla abarony dziaržavy, jano budzie zadziejničana imhnienna. I ich vopyt budzie zapatrabavany», — skazaŭ jon.
Žurnalisty z Francyi zapytali pra zdymki sa spadarožnika, na jakich vidać, što pad Asipovičami ŭzvodzicca łahier dla PVK «Vahnier». Raniej pra toje, što pačali adnaŭlać zakinuty vajenny haradok pad vioskaj Cel, raskazvali miascovyja žychary. Na niadaŭnich spadarožnikavych zdymkach byli vidać pałatki. Rasijskija kanały publikavali taksama foty samoha łahiera znutry. Łukašenka adkazaŭ, što łahiery «my nie ŭzvodzim».
«My prapanavali im niekalki byłych vajskovych haradkoŭ, jakija vykarystoŭvalisia ŭ saviecki čas, u tym liku pad Asipovičami. Kali jany pahodziacca. Ale ŭ PVK «Vahnier» inšaje bačańnie pa raźmiaščeńni (naturalna, pra heta bačańnie ja vam nie skažu)», — adkazaŭ jon.
Na siońniašni dzień, pavodle Łukašenki, pytańnie pieradysłakacyi padraździaleńnia nie vyrašana.
Žurnalist BBC Styvien Rozenbierh spytaŭ u Łukašenki, ci hatoŭ toj dazvolić vahnieraŭcam vykarystoŭvać biełaruskuju terytoryju dla napadu na Ukrainu?
«My nikoli ni na kaho nie napadali. I z našaj terytoryi nichto napadać nie źbirajecca», — adkazaŭ u tradycyjnaj maniery Łukašenka.
Zhodna z aficyjnaj viersijaj, ahučanaj jak Pucinym, tak i Łukašenkam, adnoj z umoŭ pahadnieńnia z vahnieraŭcami byŭ ich «adychod» u Biełaruś.
-
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
-
«Schapili i panieśli. Niekalki razoŭ paśpieli ŭdaryć». Biełarus raskazaŭ pra svajo zatrymańnie ŭ Hruzii
-
Cichanoŭskaja: My nie pavinny dazvolić dyktataram pasvaryć biełarusaŭ i litoŭcaŭ
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary