Śviet

Kreml abviaściŭ uładam Siryi, CAR i Mali, što ŭziaŭ pad svoj kantrol PVK «Vahnier» — miedyja

«Praź niekalki hadzin paśla taho, jak Jaŭhien Pryhožyn abviaściŭ pra spynieńnie «maršu spraviadlivaści» na Maskvu, namieśnik kiraŭnika MZS Siarhiej Viaršynin vylecieŭ u Damask, kab asabista paviedamić Bašaru Asadu, što PVK «Vahnier» bolš nie budzie samastojna dziejničać u hetaj krainie.

Fota: AP

Rasijskija ŭłady navažylisia ŭziać pad svoj kantrol najmitaŭ PVK «Vahnier» za miažoj, piša Meduza sa spasyłkaj na The Wall Street Journal.

Praź niekalki hadzin paśla taho, jak Jaŭhien Pryhožyn abviaściŭ pra spynieńnie «maršu spraviadlivaści» na Maskvu, namieśnik kiraŭnika MZS Siarhiej Viaršynin vylecieŭ u Damask, kab asabista paviedamić prezidentu Siryi Bašaru Asadu, što PVK «Vahnier» bolš nie budzie samastojna dziejničać u hetaj krainie. Krynica WSJ paviedamiła, što najmitam byŭ addadzieny zahad prybyć na rasijskuju bazu ŭ Łatakii, i jany jamu padparadkavalisia.

Taksama pradstaŭniki kiraŭnictva MZS RF, pavodle źviestak vydańnia, praviali telefonnuju razmovu z kiraŭnikom CAR Fastenam-Archanžam Tuadera, asabistaj achovaj jakoha ŭ tym liku zajmajecca PVK «Vahnier». Rasijski bok zapeŭniŭ jaho, što miaciež Pryhožyna nijak nie paŭpłyvaje na pracu PVK u CAR.

Daradca prezidenta Mali pa biaśpiecy Fidel Huandžyka publična abviaściŭ, što pytańnie «Vahniera» — unutranaja sprava Rasii. «Kali Maskva navažycca dasłać nam «Bietchoviena» abo «Mocarta», my ich atrymajem», — skazaŭ Huandžyka The Financial Times.

Kiraŭnictva Mali ŭłady RF taksama pasprabavali pierakanać u tym, što miaciež Pryhožyna nijak nie paŭpłyvaje na pracu PVK «Vahnier» u ich krainie. WSJ źviartaje ŭvahu na toje, što samaloty MNS paśla buntu Pryhožyna lotali ź Siryi ŭ Mali i nazad. Imavierna, rejsy byli źviazanyja z PVK «Vahnier», najmity jakoha z 2012 hoda dapamahajuć uradu zmahacca z paŭstancami.

Za miežami Rasii (i Ukrainy), jak havorycca ŭ artykule WSJ, znachodzicca kala 6000 najmitaŭ PVK «Vahnier». Prysutnaść najmitaŭ z Rasii ŭ krainach Afryki i Blizkaha Uschodu dapamahaje Kramlu ŭmacavać svoj upłyŭ, i jon nie choča hetaha pazbavicca.

Kiraŭnik MZS RF Siarhiej Łaŭroŭ u intervju RT praź niekalki dzion paśla buntu Pryhožyna zajaviŭ, što rasijskija vajskovyja instruktary praciahnuć pracu ŭ Afrycy. Łaŭroŭ nie ŭdakładniŭ, što havorka idzie mienavita pra najmitaŭ PVK «Vahnier», ale adznačyŭ, što ŭłady CAR i Mali aficyjna źviarnulisia da hetaj pryvatnaj vajkovaj kampanii z prośbaj harantavać biaśpieku ich kiraŭnictva.

Kamientary

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku127

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →