Doktar miedycynskich navuk tłumačyć, jak stamatołahi mohuć zaŭvažyć kavid i ci adbivajecca infiekcyja na zdaroŭi zuboŭ.
Kavid moža vyklikać abvastreńnie chraničnych zachvorvańniaŭ, jakija majucca ŭ pacyjenta, kaža prafiesar Biełaruskaha dziaržaŭnaha miedycynskaha ŭniviersiteta Julija Dzianisava.
«Jašče adna asablivaść — pieršyja simptomy karanavirusnaj infiekcyi mohuć prajaŭlacca ŭ rocie. I stamatołahi mohuć być pieršymi śpiecyjalistami, chto vyjaŭlaje infiekcyju. Simptomy — heta źmieny ŭ ślizistaj, roznyja ŭtvareńni, bolki, nalot na jazyku, hrybkovaje paražeńnie i mnohija inšyja», — raspaviała doktar padčas pres-kanfierencyi.
Jana nahadała, što padčas chvaroby nielha zabyvać pra rehularnuju hihijenu połaści rota — raz na 12 hadzin čyścić zuby i jazyk (dla jaho jość śpiecyjalnyja srodki — skrabki, ščotki).
Pa słovach Dzianisavaj, kali čałaviek chvareje na kavid ci pieranios jaho, heta nie źjaŭlajecca supraćpakazańniem da stamatałahičnych manipulacyj.
«Ciapier mahčyma kansultavacca anłajn, mnohija palikliniki majuć takuju pasłuhu. Ale heta nie mocna raźvita — čaściej chočuć ludzi vočna atrymać kansultacyju».
Kamientary