Košt kapusty ŭ Biełarusi bje rekordy. Uźbiekskaja kaštuje bolš za 4 rubli, a biełaruskuju pasprabuj znajdzi
U Biełarusi za apošni hod prykmietna padskočyli ceny na biełakačannuju kapustu. Na ajčynnuju ŭłady ŭstalavali «stol» pa cenach, paśla čaho paŭstali pytańni z najaŭnaściu. A na impartnuju kapustu tym časam ceńnik pieravyšaje 4 rubli ŭ asobnych handlovych sietkach. Ciapier ułady i zusim zabaranili vyvozić hety tavar z krainy. Zerkalo.io praviało rasśledavańnie, jakaja ciapier situacyja z cenami, jakaściu i najaŭnaściu kapusty.
Jakaja situacyja z ajčynnaj kapustaj
Nahadajem, ułady z 26 studzienia ŭviali maksimalnyja aptovyja i roźničnyja ceny na niekatoruju harodninu, u ich lik trapiła ŭ tym liku i kapusta. Dziaržrehulavańnie cenaŭ uviali na fonie taho, što ŭ 2021 hodzie jany apynulisia ŭ lidarach pa padaražańni. Heta jakraz śviežaja biełakačannaja kapusta, cybula, buraki, morkva, bulba.
Tak, maksimalny ceńnik na śviežuju biełakačannuju kapustu ŭ studzieni nie moh pieravyšać 1,67 rubla, u lutym — 1,68 rubla, u sakaviku — 1,71 rubla, u krasaviku — 1,73 rubla, a ŭ traŭni — 1,75 rubla. Ale ŭ mnohich handlovych sietkach ceny na hety tavar prykmietna pieravyšali uviedzienuju «stol». Handlu dazvolili raspradać zapasy ŭžo zakuplenaha tavaru pa starych cenach, a novyja pastaŭki realizoŭvać pa «zrezanym» košcie.
Što tyčycca biełaruskaj kapusty, to niekatoryja kramy na praciahu niekalkich dzion «adkrucili» ceńniki, inšyja ž vyrašyli nie śpiašacca i raspradać tavar daražej, čym «stol». U hetaj situacyi paŭstała pytańni z najaŭnaściu ajčynnaj kapusty ŭ niekatorych kramach i na rynkach.
«Jak zahadali «adkrucić» ceny, to handal heta zrabiŭ, źniziŭ da 1,68 rubla. Ale paśla hetaha biełaruskuju kapustu bolš nie zavozili ŭ kramu «Jeŭraopt» kala doma. U «Karonie» ŭ piatnicu jašče było niekalki kačanoŭ našaj kapusty. Ale boršč ciapier — delikates», — kaža minčanka Maryja.
«Na minułym tydni kuplała pa 2,57 rubla za kiłahram, kuplała biełaruskuju kapustu, ledź z kresła nie ŭpała, bolš za 5 rubloŭ za kačan vyjšła. Ale ŭ piatnicu ŭžo bačyła pa 1,68 rubla za kiłahram. Źviarnuła ŭvahu, što Biełaruś na ceńniku napisanaja», — paviedamiła jašče adna čytačka.
«U kramie» Vitalur» na vulicy Kašavoha ŭ Minsku pakupniki nie znajšli kapustu ŭviečary 4 lutaha», — raskazaŭ čytač.
«U čaćvier u Viciebskaj vobłaści była narada z hetaj nahody, kapusty ŭ pastaŭščykoŭ niama, na čarzie — morkva i buraki», — śćviardžaje krynica.
«Abjechaŭ učora try supiermarkiety i rynak — kapusty niama. Znajšoŭ u vyniku ŭ «Sancie» pa 3,5 rubli, tydzień tamu kuplaŭ pa 2,99 rubla», — paviedamiŭ jašče adzin čytač. My atrymali niekalki dziasiatkaŭ padobnych paviedamleńniaŭ ab tym, što daviałosia pachadzić pa kramach u pošukach kapusty.
Uźbiekskaja — daražej za 4 rubli. Ceny na impartnuju kapustu bjuć rekordy
U Miensku ŭ kramie «Susiedzi» pradajuć uźbiekskuju kapustu pa 4,18 rubla za kiłahram.
U «Dyjanisie» ŭ stalicy iranskaja kapusta kaštuje pa 3,44 rubla, a ŭ «Santa Rytejł» — 3,33 rubla. «U Miensku ŭ «Santa» na vulicy Bahdanoviča była kapusta ź Irana, amal usia tresnutaja, ale vybrać možna. I vidavočna zdymałasia šmat vierchnich listoŭ. A ŭ «Susiedziach» pobač naohuł biez kapusty, ale ŭ kramie skazali, što dniami pryviazuć niačyščanuju kapustu», — padzialiłasia čytačka ź Minska.
U kramie Green handlovaha centra Dana Mall u Minsku rasijskaja kapusta kaštuje 3,88 rubla za kiłahram.
Čytač z Bresta znajšoŭ polskuju kapustu pa 2,99 rubla za kiłahram u kramie Mart Inn. Taki ž ceńnik na rasijskuju ŭ kramie «Jeŭraopt» u Minsku i Homieli.
«U čaćvier u kramie «Aŭhust» u Pinsku kapusta pradavałasia pa 2,99 rubla za kiłahram. Kali ja aburyłasia, čamu takaja darahaja, bo tydzień tamu vyjšaŭ zakon ab rehłamientavańni cenaŭ, supracoŭnica hlanuła na ceńnik i z honaram zajaviła, što heta rasijskaja kapusta, — raskazała čytačka. — Darečy, u hetaj ža kramie hetuju ž kapustu 21 studzienia kuplała za 2,05 rubla. Heta značyć, za heta čas košt nie źmienšyŭsia, a vyras amal na 50%, cudy! Pytajusia, a čamu ž vyras? A jany ŭ adkaz: dyk heta my novy zavoz atrymali pa bolš vysokaj canie. Spytałasia, a čamu biełaruskuju nie zakuplajuć. Adkazali: dy chto tady ŭ nas hetuju za 2,99 rubla kupić? Jak havorycca, biez kamientaroŭ».
«Šukali ŭ aŭtorak z žonkaj kapustu. Na pryłaŭku pa staroj canie 1,67 rubla spytali ŭ rabotnika, ci jość. Vynieśli kačan sa składa ŭžo 2,98 rubla, ale rasijskuju. Sami ŭ šoku, u ahrarnaj krainie impartnuju kapustu kuplajem», — ździŭlajecca čytač.
Kamientary