Jon byŭ zatrymany na premjery śpiektakla «Bieły trusik, Čyrvony trusik», paviedamlajuć pravaabaroncy.
40-hadovaha Cimura Hazizava zatrymali 16 červienia na premjery śpiektakla Aksany Zareckaj. 18 červienia jaho spravu razhledzieŭ sudździa Centralnaha rajona Dźmitryj Karsiuk.
Aktyvista, jak i astatnich hledačoŭ, abvinavacili ŭ niepadparadkavańni supracoŭniku milicyi na terytoryi RUUSa pa art. 24.3 KaAP, ale pieršapačatkova ich zatrymali pa art. 24.23 KaAP. Cimur svaju vinu admaŭlaje.
Pa słovach Hazizava, jon išoŭ na sustreču da svajoj znajomaj na Revalucyjnuju, 7A na prahlad śpiektakla. Paśla taho, jak jon padniaŭsia na druhi pavierch, jon ubačyŭ vialikuju kolkaść ludziej. Nieviadomyja ŭ cyvilnym adrazu jamu skazali stać da ściany razam z astatnimi i zabrali ŭsiu techniku ŭ prysutnych. Aktyvist śćviardžaje, što niepadparadkavańnia jon nie akazvaŭ i išoŭ u RUUS dabravolna.
Usie chadajnictvy ad advakata i Cimura sudździa Karsiuk adchiliŭ. U vyniku, sudździa pastanaviŭ aryštavać mužčynu na 15 sutak.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary