Masavyja zatrymańni kala suda pa «Spravie studentaŭ»
U piatnicu 14 maja pačynajecca sud pa «spravie studentaŭ». Pa joj prachodziać 12 čałaviek. Moładź abvinavačvajuć u hrupavych dziejańniach, jakija hruba parušajuć hramadski paradak (artykuł 342). Im pahražaje da troch hadoŭ kałonii.
Čytajcie taksama: 100-balnica, mastačka, starasta hrupy. Chto tyja studentki-palitviaźni, jakich dziaržava kinuła na Vaładarku
Pad budynkam Kastryčnickaha suda sabrałasia z sotniu čałaviek. Mamy, siostry, babuli, siabry, adnakurśniki.
Na pasiadžeńnie puścili tolki advakataŭ i blizkich svajakoŭ. Niezaležnyja žurnalisty tak i zastalisia za ramkami mietałašukalnikaŭ. Puścili tolki pradstaŭnikoŭ dziaržaŭnaj presy.
«Volnych miescaŭ niama», — abjaŭlaje supracoŭnica suda.
«Vika sirata. Puścicie nas. Vy kazali pa dva čałavieki možna da kožnaha», — prosiać dziaŭčaty.
«Vy blizkija svajaki? Tady nie», — dla suda heta nie arhumient.
Paźniej adnoj ź dziaŭčat usio ž dazvolili prajści, kali pa jaje pryjšoŭ advakat studentki.
«Puścicie babulu. Ja dužaja, ja pastaju», — płača babula studentki Kasi Budźko.
Kali ludzi pačali razychodzicca ad budynka suda, AMAP pačaŭ zatrymańni. U pryvatnaści, siłaviki schapili Anatola Labiedźku.
Siarod zatrymanych akazałasia i žurnalistka Tut.by Luboŭ Kaśpiarovič. Pierad zatrymańniem jana intervjujavała siabroŭ adnaho z abvinavačanych — vykonvała svaje prafiesijnyja abaviazki, rychtujučy repartaž.
Paźniej siłaviki paviedamili pra zatrymańnie 14 čałaviek.
***
Chto hetyja 12 čałaviek, jakija prachodziać pa spravie?
- Ksienija Syramołat, stobalnica, studentka fakulteta fiłasofii i sacyjalnych navuk BDU;
- Maryja Kalenik, studentka fakulteta ekspazicyjnaha dyzajnu Biełaruskaj dziaržaŭnaj akademii mastactvaŭ;
- Nastaśsia Bułybienka, adličanaja studentka mašynabudaŭničaha fakulteta BNTU;
- Viktoryja Hrankoŭskaja, adličanaja studentka architekturnaha fakulteta BNTU;
- Illa Trachtenbierh, druhakurśnik miechanika-matematyčnaha fakulteta BDU, udzielnik «Što? Dzie? Kali?»;
- Hleb Ficnier, čaćvierakurśnik fakulteta mižkulturnych kamunikacyj MDŁU;
- Jahor Kaniecki, piacikurśnik bijałahičnaha fakulteta BDU, aktyvist Volnaha prafsajuza;
- Kasia Budźko, studentka fakulteta estetyčnaj adukacyi BDPU, prychilnica Zadzinočańnia biełaruskich studentaŭ;
- Jana Arabiejka, studentka fakulteta estetyčnaj adukacyi BDPU, prychilnica Zadzinočańnia biełaruskich studentaŭ;
- Taćciana Jakielčyk, studentka miechanika-matematyčnaha fakulteta BDU;
- Ałana Hiebramaryjam, uvachodziła ŭ asnoŭny skład Kaardynacyjnaj rady, aktyvistka Moładzievaha błoku;
- Volha Fiłatčankava, vykładčyca BDUIRa.
Amal usich ich zatrymali ŭ «čorny čaćvier» — 12 listapada. Tolki Taćcianu Jakielčyk schapili paźniej, 26 listapada.
Raniej Śledčy kamitet zajaŭlaŭ, što moładź była kaardynatarami pratestu ŭ svaich univiersitetach, administravała tematyčnyja telehram-kanały, zaklikała ŭdzielničać u akcyjach, raspaŭsiudžvała listoŭki. Pa słovach śledčych, hetyja pratesty — śpievy, skandziravańnie łozunhaŭ — zryvali adukacyjny praces.
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»31
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary