Viartańnie eskadronaŭ strachu
Uviečary piatnicy byŭ žorstka źbity moładzievy aktyvist Artur Fińkievič. Na jaho napali na vychadzie z domu, zaciahnuli ŭ mikraaŭtobus, i ciaham troch hadzin źbivali. Advieźli ŭ les pad Vałožynam i vykinuli z mašyny.
Pozna ŭviečary našamu karespandentu pazvaniŭ moładzievy aktyvist Artur Fińkievič i raskazaŭ pra žachlivy vypadak, što zdaryŭsia ź im uviečary piatnicy.
Niedzie a 17‑j Artur vyjšaŭ na hanak domu, što na vulicy Parnikovaj (tam Artur zdymaje kvateru).
Tut na mianie napali niejkija ludzi, źbili z noh, nakinuli na hałavu vialikuju zimovuju šapku i paciahnuli ŭ mikraaŭtobus.Pokul ciahnuli, pastajanna źbivali, źbićcio praciahvałasia ŭ mikraaŭtobusie.
Artur kaža, što sprabavaŭ supraciŭlacca, kryčaŭ «Pamažycie», ale ŭsio marna.
U mikraaŭtobusie źbićcio praciahvałasia, a pakolki na hałavie była šapka, to vyznačyć, chto źbivaŭ, kolki čałaviek – było ciažka.Artur aceńvaje kolkaść tych, chto na jaho napaŭ u vosiem asobaŭ. «Jany brydka łajalisia, pastajanna paŭtarali «Nu ŭsio tabie, p…ździec, chłopča».
videa Jarasłava Ściešyka
Čamuści, kaža Artur, padałosia, što viazuć u Smalensk. Što praŭda, advieźli Artura ŭ advarotnym kirunku.
«Vykinuli mianie praz try hadziny niedzie ŭ lesie pad Vałožynam,la vioski Padbiareź.
Ja niekalki kiłamietraŭ išoŭ da darohi, pokul nie vyjšaŭ na vilenskuju trasu. Spyniŭ furu ź litoŭskimi numarami. Kiroŭca – jaho zvali Remihidzijuš – padabraŭ mianie i advioz dachaty – jon žyvie ŭ vioscy pad Vałožynam (12 km)». Jahonaja žonka vyklikała vałožynskaje taksi, jakim Artur dajechaŭ da Minsku.
Paśla taho jak viarnuŭsia ŭ Minsk, Artur skiravaŭsia ŭ RUUS Pieršamajskaha rajonu pisać zajavu ab źbićci.
Choć nie nadta vieryć, što možna navat budzie źniać paboi. «Bili vielmi prafiesijna, nakinuŭšy švedar, kab nie było siniakoŭ».
Artur kaža, što sapraŭdy vielmi spałochaŭsia, «bajaŭsia, što zabjuć».«Kali vieźli, maliŭsia. Treci raz u žyćci,» ‑‑ kaža chłopiec.
Artur zaznačaje, što ŭ jaho vyviernuli ŭsie kišeni, zabrali dakumienty, hamaniec (tam było kala 240 tys.), klučy.
***
Fotakarespandent NN, jakaja padjechała da Pieršamajskaha RUUS kaža, što sapraŭdy Artur vyhladaje mocna źbitym, adzieža parvanaja.
***
Artur pakul nie zmoh prajści sudmiedekśpiertyzu. Ekśpiert admoviŭsia pravodzić abśledvańnie, "tamu što niama pašpartu ci dakumientaŭ zamiest jaho". Jak kaža Artur Fińkievič, u milicyi jamu nie dali nijakaha dakumienta zamiest skradzienaha pašpartu. Sudmiedekśpiertyza pryznačanaja na 12 hadzin 21-ha śniežnia.
***
Artur Fińkievič – moładzievy aktyvist.
Naradziŭsia 8 lutaha 1985 h. Braŭ udzieł u «Maładym Froncie».
30 studzienia 2006 h. byŭ zatrymany, kali nanosiŭ hrafici na ścianie «My chočam novaha».
U traŭni 2006 h. byŭ asudžany sudom Pieršamajskaha rajonu stalicy da dvuch hadoŭ abmiežavańnia voli (chimii) za paškodžańnie majomaści. Adbyvaŭ pakarańnie ŭ Mahilovie. 30 kastryčnika 2007 h. suprać jaho była zaviedziena novaja kryminalnaja sprava za nibyta sistematyčnaje parušeńnie režymu i vialikuju kolkaść spahnańniaŭ.
Roŭna hod tamu, 20 śniežnia 2007 hodu, jon byŭ prysudžany da paŭtara hodu pazbaŭleńnia voli z adbyćciom u kałonii ahulnaha režymu.
Vyzvaleny daterminova 5 lutaha 2008 hodu, dziakujučy cisku Jeŭropy ŭ spravie palitviaźniaŭ.
Viarnuŭsia da aktyŭnaj hramadskaj dziejnaści. Uvosień 2008 hodu pakinuŭ šerahi MF, stvaraje ruch «Maładaja Biełaruś».
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary