Heta piać! Zirnicie na pazityŭnyja siamiejnyja sełfi i ŭśmichniciesia
Chto da hetaha času nie ŭ kursie, raskazvajem: «Naša Niva» i Samsung Galaxy A8|A8+ ładziać konkurs «Navučy babulu rabić sełfi». Vy vučycie — my razdajom telefony [dakładniej, dorym aŭtaru najcikaviejšaha fota i jaho ŭnuku ci ŭnučcy].
My ŭžo raspaviadali pra pieršuju piaciorku ŭdzielnikaŭ konkursnaj honki. Da adnaho hieroja ŭžo navat zavitali ŭ hości: Kłara Andrejeva padzialiłasia z nami, što sučasny mabilny telefon daŭ by joj mahčymaść padtrymlivać suviaź ź lubimym unukam Siarhiejem, jaki chutka źjedzie na hod u Japoniju stažyravacca.
A voś jašče piaciora hierojaŭ sełfi — znajomciesia
Na fota — Halina Reźnikava z unučkaj Irynaj, jakuju jazyk nie pavaročvajecca nazvać babulaj: voś što značyć maładość u dušy! Žančyna žyvie ŭ Maładziečnie, pracavała na radyjozavodzie «Spadarožnik», a ciapier zachaplajecca čytańniem knižak i hatavańniem (firmovaj stravaj babuli ŭnučka Ira nazyvaje pielmieni).
A na hetym sełfi my bačym adrazu niekalki pakaleńniaŭ: 74-hadovuju Luboŭ Kavalovu, jaje ŭnučku i praŭnučku. U minułym miedsiastra i supracoŭnica «Homsielmaša», Luboŭ Kanstancinaŭna abažaje zajmacca sielskaj haspadarkaj. Hanarovaje zvańnie hieroja pracy abaviazvaje adpaviadać hetamu statusu i na piensii.
Z sieryi zabaŭnych sełfi Hanny Hračyškinaj i jaje babuli Luby my śmiajalisia ŭsioj redakcyjaj. Spadarynia Hanna nie tolki navučyłasia fatahrafavacca, ale i zasvoiła snepčat ź jaho maskami. Mahiloŭka Luboŭ Čubanava — sapraŭdnaja rekardsmenka. U svaje 90 hod jana maje 10 unukaŭ i 24 praŭnuki! Sakret jaje badzioraści ŭ avakada i rańniaj zaradcy.
Historyja losu hetych dvuch ludziej na fota ciahnie na sieryjał. Fiodar Baradzin i Nina Sarahoviec adnojčy razyšlisia, ale praz 50 hod usio ž pamirylisia, daravali adno adnamu byłyja kryŭdy i zrabili sumiesnaje sełfi.
A hetuju panienku, jakaja sfatahrafavała siabie z samymi blizkimi, zvać Viera Mikałajeŭna Dzidziula. Hety rod biare pačatak ad Rurykaŭ. Spadarynia Viera naradziłasia na Smalenščynie, ale siońnia pastajanna ŭžyvaje ŭ havorcy biełaruskija słoŭcy.
* * *
Chutka my raspaviadziom historyju adnaho z hetych hierojaŭ ci hieraiń (pišycie ŭ kamientarach, pra kaho vy b chacieli daviedacca bolš).
Pahladzieć fotazdymki ŭsich udzielnikaŭ lutaha i sakavika možna na śpiecyjalnaj konkursnaj staroncy.
A my čakajem novych sełfi ad vašych babul i dziadul! Publikujcie ich u sacsietkach z konkursnymi cheštehami #nn_A8belarus #SamsungBelarus, kab my mieli mahčymaść adšukać vašy pracy [tolki pierš čym nacisnuć knopku «apublikavana», zirnicie praviły konkursu].
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary