Ź miłaj žyviolinaj malujuć arty, stvarajuć miemy i rozny mierč. Ale šalonaja papularnaść stvaryła i niebiaśpieku dla jaje.
10 lipienia 2024 hoda ŭ karlikavych biehiemotaŭ Džona i Toni, jakija žyvuć u tajłandskim zaaparku Kaa Kchieou ŭ horadzie Sirača, naradziłasia maleńkaja samačka. Pa vynikach apytanki, u jakoj prahałasavali 20 tysiač čałaviek, joj dali imia Mu-Denh, što možna pierakłaści z tajskaj movy jak «žvavaja śvinka».
I sapraŭdy, Mu-Denh akazałasia vielmi hareźlivym i paciešnym biehiemotam. Nahladčyk zaaparka Atapał Nandy staŭ rehularna dzialicca ŭ sacsietkach fota i videa taho, jak biehiemocik dureje, nosicca pa valjery, ale nie zaŭsiody daje rady hravitacyi, robić «kuś» za kalenku nahladčyka, akazvaje adčajny supraciŭ pry sprobie jaje pakupać i šaleje ad strumieniu vady. U luboj situacyi biehiemocik vyhladaje vielmi ekspresiŭnym i emacyjnym.
Mu-Denh imhnienna stała lubimicaj internetu. Jaje paciešnaść, niaŭkludnaść i biasškodnaja ahresiŭnaść zamiłavali ŭsich. Mnohija paznali ŭ miłaj žyviole z vyłuplenymi vačyma i šyroka raziaŭlenaj biazzubaj paščaj svaju ŭnutranuju reakcyju na lubyja žyćciovyja vykliki.
Sacsietki zapałanili fotazdymki, videa, miemy i arty z karlikavym biehiemotam. Zaapark navat vyrašyŭ pradavać adzieńnie i inšyja tavary z vyjavaj Mu-Denh.
Papularnaść biehiemocika dazvoliła zaaparku ŭpieršyniu za dziesiać hadoŭ pavysić košt biletaŭ. Rost koštaŭ, nasupierak aściaroh piersanała i administracyi, nie pryvioŭ da padzieńnia naviedvalnaści. Naadvarot, jon dapamoh dastatkova razbahacieć, kab pakryvać bolšuju častku vydatkaŭ na ŭtrymańnie žyvioł samastojna i nie mieć patreby ŭ źniešniaj padtrymcy.
Ale papularnaść taksama stała pahrozaj dla žyvioły. Naviedvalniki stali pavodzić siabie ahresiŭna, kidajučy ŭ Mu-Denh maluskaŭ i sprabujučy vylić na jaje vadu, kab pryciahnuć uvahu karlikavaha biehiemota i spravakavać na miemnuju reakcyju. Zaapark vymušany byŭ ustalavać dadatkovyja kamiery videanazirańnia vakoł valjera, a ŭsim naviedvalnikam, jakija pahražajuć biaśpiecy žyvioł, pryhrazili sudom. Akramia taho, kab zadavolić vialikuju kolkaść naviedvalnikaŭ, dla ich byŭ uviedzieny piacichvilinny limit na toje, kab pabačyć Mu-Denh.
Karlikavyja biehiemoty, jakija siońnia žyvuć u Libieryi, Śjera-Leone i Kot-dJIvuary, znachodziacca pad pahrozaj vymirańnia. Razam sa zvyčajnymi biehiemotami, jakija raniej nasialali bolšuju častku Afryki, libieryjskija karlikavyja biehiemoty źjaŭlajucca adzinym vidam siamiejstva, jaki dažyŭ da našaha času. Jašče ŭ XX stahodździ navukoŭcy ličyli, što biehiemotavyja — najbližejšyja svajaki śvińniaŭ. Ale najnoŭšyja hienietyčnyja daśledavańni pakazali, što heta zusim nie tak, biehiemotavyja — najbližejšyja naziemnyja svajaki kitoŭ.
«Naša Niva» — bastyjon biełaruščyny
PADTRYMAĆU zaaparku Hiermanii pamior najstarejšy ŭ śviecie laniviec. Jamu było 54 hady
Krakadził, jakoha niadaŭna pradali z aŭkcyjonu, zastaniecca žyć u Minskim zaaparku
Pahladzicie, jakoje simpatyčnaje tyhrania pasialiłasia ŭ Minsku FOTAFAKT
Minski zaapark zaklikaŭ biełarusaŭ padzialicca z žyviołami liškami ŭradžaju
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy5
Kamientary